Foto: Ashyq derekkóz
Mınıstr bilim berý uıymdaryndaǵy sanıtarııalyq-epıdemıologııalyq qaýipsizdikti qamtamasyz etý, jazǵy saýyqtyrý lagerlerin daıyndaý, sondaı-aq mektep medısınasyn damytý máseleleri jóninde sóz qozǵady.
«Anyqtalǵan buzýshylyqtardyń qatarynda úı-jaılardyń sanıtarııalyq jaǵdaıynyń qanaǵattanarlyqsyz bolýy, sondaı-aq sanıtarııalyq-epıdemıologııalyq qorytyndylardyń bolmaýy bar. Sońǵy úsh jyldyń ishinde bilim berý uıymdarynda toptyq ınfeksııalyq aýrýlar jaǵdaılarynyń eki ese ósýi baıqalady», dep mınıstr syn aıtty.
Elimizde balalar lagerlerine qandaı talaptar engizildi?
Buǵan deıin Memleket basshysy bıýdjet qarajaty esebinen qarjylandyrylatyn balalar nysandaryna memlekettik baqylaýdyń erekshe tártibin engizýdi kózdeıtin zańǵa qol qoıǵan bolatyn.
Jańa sharalardyń sheńberinde 1 maýsymnan bastap elimizdiń mektepterinde sanıtarııalyq-epıdemıologııalyq ahýalǵa monıtorıng júrgizý bastalady, al 1 shildeden bastap bilim berý jáne balalardyń jazǵy demalys nysandaryna josparly tekserýler qaıta jandandyrylady.
«О́tken jyly ruqsat qujattarynsyz jumys istegen lagerler anyqtaldy. Atalǵan faktiler boıynsha materıaldar prokýratýra organdaryna joldanyp, tıisti sharalar qabyldandy. Halyqty aqparattandyrý maqsatynda «senim telefony» jumysyn jalǵastyrýda, sondaı-aq Sanıtarııalyq-epıdemıologııalyq baqylaý komıtetiniń saıtynda sanıtarııalyq-epıdemıologııalyq qorytyndysy bar lagerlerdiń tizbesi apta saıyn otyrady», dedi Aqmaral Álnazarova.
Lısenzııasy joq lagerler jabyla ma?
Oqý-aǵartý mınıstrliginiń málimetinshe, jazǵy maýsymda 187 saýyqtyrý uıymynyń jumysy josparlanǵan. Búgingi tańda ótinim bergen 99 lagerdiń 33-i sanıtarııalyq-epıdemıologııalyq qorytyndy alǵan.
