Fılıppınde aıaq kıim fabrıkasy otqa oranyp, 70 adam qaza tapty

ASTANA. 14 mamyr. Fılıppın astanasy – Manılada aıaq kıim fabrıkasy otqa oranyp, saldarynan 70-ten astam adam qaza tapty. Áli birneshe qyzmetkerdiń jaǵdaıy belgisiz. Kúıik shalǵan jáne ártúrli jaraqat alǵan 30-dan astam adam jergilikti aýrýhanalarǵa jetkizildi. Bul týraly euronews.com habarlady. Ázirge órttiń shyǵý sebepteri anyqtalǵan joq. Aldyn ala boljam boıynsha, apatqa ǵımarattyń bas kireberisindegi dánekerleý jumystary sebep bolýy múmkin. О́rt sóndirýshiler tilsiz jaýmen 7 saǵat boıy arpalysty. Fabrıka qyzmetkeriniń aıtýynsha, aldymen jarylys bolǵan. «Birinshi jarylystyń qatty daýysyn estidik. Keıin ǵımarattan órt shyqqanyn bildik. Birden apat kezinde paıdalanatyn esikke umtyldyq. О́kinishke qaraı, joǵary qabattardaǵy áriptesterimiz qyzyl jalynnyń qursaýynda qaldy», – deıdi apattan aman qalǵan áıel. О́rt saldarynan ǵımarat tolyǵymen janyp ketti. Qurban bolǵandardyń kim ekenin anyqtaý qıynǵa soǵýda. Keıbiriniń janynan saǵat, saqına, uıaly telefon syndy jeke zattary tabylǵan. Mamandar sol arqyly opat bolǵandardy anyqtap kórmek. Elaman Qońyr. Derek, sýret: euronews.com.