Jobanyń taǵy bir ereksheligi – zamanaýı bilimdi ulttyq qundylyqtarmen ushtastyrýynda. Oqý baǵdarlamalaryna «Dombyra», «Ulttyq óner», «Ulttyq sport» sııaqty kýrstardyń engizilýi jas urpaqtyń tek bilimdi ǵana emes, ulttyq bolmysy qalyptasqan azamat bolyp ósýine yqpal etedi. Al ulttyq bolmys pen mádenı qundylyqtardy saqtaý Qazaqstan úshin strategııalyq mindetterdiń biri. Qazirgi jastar jahandaný dáýirinde ómir súrip jatyr, sondyqtan olardyń zamanaýı ári ulttyq rýhy myqty azamat bolyp qalyptasýy mańyzdy.
Almatyda «Sırıýs» mektebi men bilim berý ortalyǵynyń irgetasyn qalaý rásimi ótti
Sonymen qatar otandyq pedagogterdiń úlesiniń joǵary bolýy ulttyq bilim berý júıesine degen úlken senimdi kórsetedi. Bul óz kezeginde elimizdiń ıntellektýaldyq áleýetin kúsheıtip, bolashaqta ǵylym men tehnologııa salasynda jańa býyn mamandaryn qalyptastyrýǵa negiz bolady.
«Sırıýs» mektepterinde «Adal Azamat» tárbıe baǵdarlamasy oqytylady
Uzaq merzimdi perspektıvada mundaı jobalar Qazaqstannyń ınnovasııalyq ekonomıkaǵa kóshýine negiz bolady. Qazirgi álemde memleketterdiń kúshi tabıǵı resýrstarmen ǵana emes, bilimmen, ǵylymmen jáne tehnologııamen ólshenedi. Osy turǵydan alǵanda, «Sırıýs – Qazaqstan» jobasy bilim men ǵylymdy damytýǵa baǵyttalǵan mańyzdy bastama. Ol zamanaýı tehnologııalardy meńgergen, synı oılaıtyn, zertteý júrgize alatyn ári ulttyq qundylyqtardy qurmetteıtin jańa býyn jastaryn qalyptastyrýǵa múmkindik beredi.
Gúljaına ELEÝSINOVA,
«Taldaý» ulttyq zertteýler jáne bilimdi baǵalaý
ortalyǵynyń basqarma tóraǵasy
