Almaty oblysynda jol apatynan úsh polıseı opat boldy

ASTANA. 14 mamyr. Almaty oblysynda polıseıler mingen kólik apatqa ushyrap, 3 adam qaza tapty. Bul týraly KTK telearnasy habarlady. Telearna tilshisiniń habarlaýynsha, polıseılerdiń qyzmettik kóligi Talǵar qalasynda basqa jeńil mashınamen betpe-bet soǵylǵan. Jol apaty Jeńis merekesi qarsańynda oryn alypty. Biraq bolǵan oqıǵa tek 4 kúnnen keıin ǵana málim bolyp otyr. Keıbir kýalardyń aıtýlarynsha, jolda júrý erejesin patrýl kóligi buzǵanǵa uqsaıdy. «PPS-tyń mashınasy dabyl belgisin qospaı, qarsy betke shyqty da soǵyp ketti, aǵasy! Biz osy jerde turdyq!», - dedi olar. Al Almaty oblystyq ishki ister departamentiniń baspasóz hatshysy Daryn Arystanbekovtiń aıtýynsha, kýágerlerdiń málimetteri shyndyqa janaspaıdy. «Kýágerler bolǵan oqıǵa týraly anyqtama berip jatqanda ýdaı mas bolǵan. Jáne bolǵan oqıǵany óz kózimen kórmegen. Jol apaty týraly sol aradaǵy kisilerden estip bilgen. Bul jaıly jalǵan kýágerlerdiń ózderi bizderge aıtyp moıyndady», - dedi Arystanbekov. Qurysh Nurymbet. Derek, sýret: KTK.