Baıqaýǵa elimizdiń túkpir-túkpirinen kelgen arýlar qatysyp, ózderiniń shyǵarmashylyq qabiletin, sahna mádenıetin jáne ulttyq ónerge degen qyzyǵýshylyǵyn kórsetti.
Sharaǵa Ulytaý oblysy ákiminiń orynbasary Baqytjan Jaılaýbaev, Jańaarqa aýdanynyń ákimi Qanat Qojyqaev, aýdandyq máslıhat tóraǵasy Iýrjan Bekqojın, Májilis depýtattary Amanjol Áltaı men Qazybek Álishev qatysty.
Sonymen qatar baıqaýdyń qurmetti qonaqtary men qazylar alqasynyń quramynda Qazaqstannyń eńbek sińirgen qaıratkerleri Qanat Aıtbaev pen Sveta Aıtbaeva, telejúrgizýshi Dınara Sátjan, aqyn Qalqaman Sarın, Qazaqstannyń eńbek sińirgen qaıratkeri Serjan Musaıyn, kásipker Merýert Ybysheva boldy.
Baıqaýǵa Qazaqstannyń Eńbek Eri, Qazaqstannyń Halyq ártisi Qaırat Baıbosynov, Qazaqstannyń Halyq ártisi Merýert О́tekesheva, aıtysker aqyndar Juldyz Qojabekova men О́mirjan Kópbosynov, Qazaqstannyń eńbek sińirgen ártisi Serik Ospanov, kásipkerler Meıram Aıdabolov pen Almaz Jaqaev, Amandos Muqanov, «Aıgúl» zergerlik salonynyń ıesi Aıgúl Muqanova, Qalqash Erjanov jáne basqa da qurmetti qonaqtar qatysty.
Osy taǵylymy mol sharada qazaq kıno ónerinde aty ańyzǵa aınalǵan, «Qyz Jibek» fılmindegi Jibek rólin oınap, halyqtyń ystyq súıispenshiligine bólengen Qazaqstannyń Halyq ártisi Merýert О́tekeshovany Jańaarqa jurtshylyǵy aıryqsha qurmetpen qarsy aldy. Ulttyq dástúrdi ustanǵan Arqa jurtshylyǵy ardaqty óner ıesine aq boz at mingizip, syı-qurmet kórsetti. Bul kórinis kópshiliktiń kóńilinen shyǵyp, baıqaýdyń mazmunyn tereńdete túsken áserli sáttiń biri boldy.
Baıqaý qorytyndysy boıynsha Bas júldeni Astana qalasynyń arýy Tolǵanaı Naýryzbaı jeńip alyp, júlde qoryndaǵy 1 500 000 teńgeniń sertıfıkaty tabys etildi. I oryndy Qyzylorda oblysynyń arýy Baǵdat Baqyt (1 000 000 teńge), II oryndy Atyraý oblysynyń arýy Indıra Muqtar (500 000 teńge), al III oryndy Aqmola oblysynyń arýy Aıǵanym Shaqmuraı (350 000 teńge) ıelendi. Sonymen qatar «Kórermen kózaıymy» atalymy júldesi men barlyq qatysýshylarǵa yntalandyrý syılyǵy tartý etildi.
Baıqaýdyń joǵary deńgeıde ótýine qoldaý bildirip, jeńimpazdar men qatysýshylardy marapattaý qoryn qalyptastyrýǵa úles qosqan azamattarǵa uıymdastyrýshylar erekshe alǵys bildirdi.
Ulttyq qundylyqty ulyqtap, qazaq qyzynyń parasaty men kórkem bolmysyn dáriptegen taǵylymdy jobanyń avtory ári prodıýseri – Lázzat Nurlanqyzy.
Ult damýyna úles qosatyn, aqylyna kórki saı qazaq qyzdarynyń qoǵamdaǵy ornyn nasıhattaýǵa arnalǵan osyndaı respýblıkalyq deńgeıdegi baıqaýdyń berer taǵylymy mol.
Ulytaý oblysy
