Foto: Aqorda
Qasym-Jomart Toqaevtyń aıtýynsha, byltyr óńirlik jalpy ónim kólemi 6,7 trıllıon teńge bolyp, 5,4 paıyzǵa ósti. Qańtar-sáýir aılaryndaǵy qysqa merzimdi ekonomıkalyq kórsetkish boıynsha aımaq 5-orynda tur.
«Investısııa tartý jumysy belsendi túrde júrgizilip jatyr. Jyl basynan beri oblys ekonomıkasyna 266,2 mıllıard teńge ınvestısııa salyndy», dedi Memleket basshysy.
Prezıdenttiń sózinshe, ónerkásip óndirisiniń kólemi shamamen 900 mıllıard teńgege jetti.
«Biraq agrarlyq sektordyń áleýeti áli de tolyq ıgerilmeı jatyr. Bıylǵy 4 aıdyń nátıjesi boıynsha aýyl, orman jáne balyq sharýashylyǵynyń naqty kólem ındeksi 101,2 paıyz boldy», dedi Prezıdent.
Sondaı-aq Memleket basshysy Qonaev qalasyndaǵy ınfraqurylym qurylysy óte baıaý júrgizilip jatqanyn aıtty.
«Alaıda, bir olqylyqqa nazar aýdarǵym keledi. Qonaev qalasyndaǵy ınfraqurylym qurylysy óte baıaý júrgizilip jatyr. «Baıaǵy jartas – sol jartas», qalanyń kelbeti – ózgerissiz kúıde. Bul qalada shuǵyl túrde teatr, stadıon, ákimshilik ǵımarattary men mektepter salý kerek. Onsyz Almaty oblysy óz aıaǵyna turyp kete almaıdy. Oblys basshylyǵy osy ózekti máselelerge basa nazar aýdarýy qajet», dedi Memleket basshysy.
Aıta keteıik, búgin Memleket basshysy jumys saparymen Almaty oblysyna bardy.
