Hokkeı. Álem chempıonaty. Jartylaı fınalǵa shyqqandar belgili boldy

ASTANA. 15 mamyr. Chehııada ótip jatqan hokkeıden álem chempıonatynyń jartylaı fınalyna shyqqan quramalar belgili boldy. Bul týraly egemen.kz habarlady. Keshe shırek fınaldyq básekeler ótip, nátıjesinde AQSh, Kanada, Reseı jáne Chehııa quramalary jarysty jalǵastyrýǵa múmkindik aldy. Shırek fınaldyq oıyndardyń nátıjeleri: 14 mamyr AQSh – Shveısarııa 3:1 (0:1, 2:0, 1:0); Kanada – Belarýs 9:0 (4:0, 2:0, 3:0); Shvesııa – Reseı 3:5 (0:2, 1:1, 2:2); Fınlıandııa – Chehııa 3:5 (1:1, 1:2, 1:2). Jartylaı fınaldyq oıyndar 16 mamyrda ótedi. Bul synda Kanada Chehııamen kúsh synassa, fınalǵa beriler ekinshi joldamany AQSh pen Reseı sarapqa salady. Bul quramalar toptyq kezeńde bir-birimen kezdesken bolatyn. Sol kezde Kanada Chehııany 6:3 esebimen jeńse, AQSh Reseıden 4:2 esebimen basym túskeni esimizde. Álem chempıonaty 17 mamyrda aıaqtalatynyn aıta keteıik. Elaman Qońyr. Derek: egemen.kz. Sýret: championat.com.