Elbasy Astana kúnine oraı ótetin merekelik sharalarǵa qatysady

ASTANA. 29 maýsym. Memleket basshysynyń aldaǵy is-sharalar ańdatpasy jarııalandy. Bul týraly akorda.kz habarlady. Qazaqstan Prezıdentiniń qatysýymen 2 shildede Indýstrııalandyrý kúnin ótkizý josparlanýda. Is-shara «Nurly jol» jáne eldi ındýstrııalyq-ınnovasııalyq damytý jónindegi memlekettik baǵdarlamalardyń júzege asyrylý barysyna arnalady. Onyń sheńberinde Indýstrııalandyrý kartasyndaǵy jańa jobalardy jáne «Nurly jol» baǵdarlamasy aıasyndaǵy ınfraqurylymdyq nysandar qurylysyn iske qosý rásimi ótedi. Sonymen qatar, Qazaqstannyń óndiris taýarlarynyń kórmesi uıymdastyrylady. Sondaı-aq, 3 shildede ótetin jıynda Jańǵyrtý jónindegi ulttyq komıssııanyń esebi tyńdalady. Al 4-6 shilde kúnderi Memleket basshysynyń Astana kúnine arnalǵan is-sharalarǵa qatysýy josparlanǵan. Shildeniń segizinde elimizge Úndistan premer-mınıstri Narendra Modı saparmen keledi. Sapar barysynda Qazaqstan-Úndistan yntymaqtastyǵyn odan ári nyǵaıtý joldary qarastyrylady. Odan bólek, 9-10 shildede Qazaqstan Prezıdentiniń Reseı Federasııasynyń Ýfa qalasynda ótetin ShYU jáne BRIKS sammıtterine qatysýy kózdelgen. Sonymen qatar, Prezıdenttiń baspasóz qyzmeti 3 shildede Memleket basshysynyń akorda.kz resmı saıtynyń jańartylǵan nusqasyn iske qosýdy josparlap otyr. Jańa saıttyń erekshelikteri retinde onyń qolaıly qurylymy men navıgasııalaryn, saıttyń planshetter men smartfondarda tolyq kórinýine laıyqtalǵan dızaınyn, «Prezıdentke hat» fýnksııasy aıasynda Memleket basshysyna hat joldaý múmkindigi qarastyrylǵanyn atap aıtýǵa bolady. Elaman Qońyr. Derek, sýret: akorda.kz.