Foto: Úkimet
Astana qalasynyń ákimi Jeńis Qasymbek qala ekonomıkalyq damýdyń joǵary qarqynyn saqtap, elimizdiń jetekshi iskerlik ortalyqtarynyń biri retindegi rólin nyǵaıtyp otyrǵanyn baıandady. О́tken jyldyń qorytyndysy boıynsha jalpy óńirlik ónim kólemi 18,9 trln teńgege jetti. Elorda negizgi kapıtalǵa tartylǵan ınvestısııa kólemi boıynsha respýblıkada birinshi orynda tur. Bıylǵy tórt aıda 587 mlrd teńge ınvestısııa tartyldy, onyń shamamen 80%-yn jeke ınvestısııalar qurady. Qazirgi tańda Astanada 246 myń shaǵyn jáne orta bıznes sýbektisi jumys isteıdi. Bul sektorda shamamen 560 myń adam jumyspen qamtylǵan. ShOB-tyń qala ekonomıkasyna qosqan úlesi rekordtyq deńgeıge – 66%-ǵa jetti. 2026 jyly 26 ónerkásiptik jobany iske qosý josparlanǵan. Qazirdiń ózinde quny 32 mlrd teńge bolatyn 8 joba paıdalanýǵa berilip, 500-ge jýyq jumys orny ashyldy. Sondaı-aq jyl sońyna deıin quny 36 mlrd teńge bolatyn 18 jobany iske qosyp, myńǵa jýyq jumys ornyn ashý kózdelip otyr.
Premer-mınıstrge «Technodom» kóterme-bólshek saýda kásiporny» AQ zamanaýı logıstıkalyq ortalyǵynda keshenniń jumysy men elordanyń kólik jáne qoıma ınfraqurylymyn odan ári damytý jobasy tanystyryldy.
Aýdany 22 myń sharshy metrden asatyn logıstıkalyq ortalyq 11 myń pallettik orynǵa eseptelgen. Munda jalpy aýmaǵy 3,5 myń sharshy metrdi quraıtyn temperatýralyq rejımi bar úı-jaılar qarastyrylǵan. Kásiporyn táýlik boıy jumys isteıdi jáne taýarlardy qabyldaý men saqtaýdan bastap, olardy jınaqtaý jáne jóneltýge deıingi qyzmetterdiń tolyq sıklin qamtamasyz etedi. Ortalyq qoımany basqarýdyń avtomattandyrylǵan júıelerimen jáne tıimdilikti baqylaý quraldarymen jabdyqtalǵan. Búginde logıstıkalyq keshen jumys aýqymymen 100% qamtylǵan. Ortalyqtyń qyzmetin Wildberries, Ascona, Gold Service Logistic jáne basqa da kompanııalar paıdalanady. Nysanda 200-den astam jumys orny ashylǵan.
Oljas Bektenov SQO-da aýyl sharýashylyǵynyń damý barysyn tekserdi
Sonymen qatar Premer-mınıstrge jeke ınvestısııa kólemi 300 mln asatyn 223,1 gektar logıstıkalyq park jobasy tanystyryldy. Áleýetti qatysýshylar arasynda YXE Trading Service Group, S Sistem Lojistik Hizmetler, «Qazposhta» jáne Rhino Logistic kompanııalary bar.
Sondaı-aq Astana qalasynda Wildberries Kazakhstan kompanııasynyń iri logıstıkalyq hab qurylysynyń barysy tanystyryldy. Jalpy aýmaǵy 160 myń sharshy metrdi quraıtyn joba aıasynda 6 myń jumys ornyn ashý kózdelgen. Nysandy paıdalanýǵa berý 2027 jyldyń I toqsanyna josparlanǵan. Jobanyń ınvestısııa kólemi – 47,7 mlrd teńge.
Oljas Bektenov logıstıkalyq ınfraqurylymdy damytý ekonomıkanyń básekege qabilettiligin arttyrýdyń jáne Qazaqstannyń tranzıttik áleýetin odan ári nyǵaıtýdyń mańyzdy sharty ekenin atap ótti. Prezıdent jarııalaǵan Sıfrlandyrý jáne jasandy ıntellekt jylyn eskere otyryp, sıfrlyq sheshimderdi engizýge jáne prosesterdi avtomattandyrýǵa erekshe nazar aýdarý kerek.
«Heart Center Foundation» QQ zaýytynda Oljas Bektenov medısınalyq maqsattaǵy plastıkalyq buıymdar óndirisiniń iske qosylýymen jáne kásiporynnyń tehnologııalyq jabdyqtalýymen tanysty. Jobanyń sońǵy kezeńi júzege asyrylyp jatyr. Zaýyt 2026 jyldyń mamyr aıynda paıdalanýǵa berilgen, tamyzda barlyq jeli boıynsha ónim shyǵarý bastalady, al bıylǵy qyrkúıek aıynda tolyq qýatyna shyqpaq.
Aıtarlyqtaı nátıje baıqalmaıdy: Oljas Bektenov Ulttyq parkterdegi baıaý jumysty synǵa aldy
Joba «Qazaqmys korporasııasy» JShS-niń qoldaýymen №1 Indýstrııalyq park aýmaǵynda júzege asyrylyp jatyr. Investısııalardyń jalpy kólemi – shamamen 5,1 mlrd teńge. Kásiporynnyń negizgi ónimi – ALEM ataýymen qysqartylǵan Astana life Ex-situ Machine jobasy. Bul qazaqstandyq ınjenerler men dárigerlerdiń donorlyq aǵzalardy saqtaý, qalpyna keltirý jáne tasymaldaý úshin jasap shyǵarǵan biregeı ázirlemesi. Tehnologııa donorlyq aǵzanyń saqtalý merzimin birneshe saǵattan bir táýlikke deıin jáne odan da kóp uzartýǵa múmkindik beredi, bul otandyq transplantologııa úshin jańa múmkindikter ashady. О́ndiriste otandyq shıkizatty – Atyraý qalasyndaǵy KPI zaýytynyń plastıkalyq túıirshikterin paıdalaný josparlanýda, bul medısınalyq buıymdar óndirisin lokalızasııalaý deńgeıin arttyrýǵa múmkindik beredi. Zaýyttyń jobalyq qýaty 15-20 birlik ALEM jabdyǵyn shyǵarýǵa jetedi, ol degenimiz, jylyna bıomaterıaldy irikteýge arnalǵan shamamen 6 mln konteıner jáne 45 myń drenajdyq qurylǵy.
UMC qorynyń basqarma tóraǵasy Iýrıı Pıa mundaı óndiristi iske qosý ımporttyq medısınalyq shyǵyndaýǵa arnalǵan materıaldarǵa táýeldilikti azaıtýǵa múmkindik beretinin atap ótti.
«Medısınaǵa arnalǵan kóptegen kerek-jaraqtardy, ásirese kardıologııa men kardıohırýrgııaǵa qatysty zattardy, biz shetelden satyp alamyz. COVID-ten keıin biz kóptegen quraldarǵa táýeldi bolyp qaldyq, sondyqtan óndiristi ózimizde bastaýǵa, áýeli kardıologııa men kardıohırýrgııadan bastaýǵa, sonyń ishinde, donorlyq organdardy saqtaýǵa arnalǵan apparat jasaý týraly ózimizdiń ıdeıamyzdy engizýge sheshim qabyldadyq. Búgingi tańda biz osyndaı apparattyń prototıpin ázirlep qoıdyq, endi elimizde onyń óndirisin bastaýǵa sheshim qabyldadyq. Osy jyldyń sońyna qaraı zaýytta alǵashqy úlgini shyǵarýdy josparlap otyrmyz», dedi Iýrıı Pıa.
Oljas Bektenov ǵylymı ázirlemeler negizinde otandyq medısına ónerkásibin damytýdyń jáne olardy densaýlyq saqtaý salasyna is júzinde engizýdiń mańyzdylyǵyn atap ótti. Qazirgi ýaqytta Qazaqstan ómir súrý uzaqtyǵy boıynsha 76 jyldyq kórsetkishke jaqyndady. Zamanaýı medısınalyq kómekke qol jetimdilikti keńeıte otyryp, osy dınamıkany jalǵastyrý qajet.
«RnR Group» JShS-niń nan-toqash jáne sút ónimderin shyǵarý zaýyttarynda Oljas Bektenov kásiporyndardyń óndiristik qýattaryn jáne jumysty uıymdastyrý jaǵdaılaryn qarap shyqty.
Oljas Bektenov: ınvestorlardy qorǵaýdy kúsheıtip, kedergilerdi joıý qajet
Premer-mınıstrge qaıta óńdeýdi damytýǵa, otandyq azyq-túlik ónimderin shyǵarýdy keńeıtýge jáne elordanyń azyq-túlik qaýipsizdigin nyǵaıtýǵa jalpy quny 8,8 mlrd teńge bolatyn jobalar baǵyttalǵany baıandaldy. О́ndiristerdiń qýattylyǵy – táýligine 25 tonnaǵa deıin un ónimderi jáne 100 tonnaǵa deıin sút ónimderi. Kásiporyndar jergilikti shıkizat bazasyn paıdalanady. О́nimder elordanyń saýda núktelerine, áleýmettik nysandary men jelilerine jetkiziledi.
Astana qalasynyń Investısııalar jáne kásipkerlikti damytý basqarmasynyń basshysy Halel Ákimjanov elordanyń azyq-túlik qaýipsizdigin nyǵaıtý baǵytynda atqarylyp jatqan jumystar týraly baıandady. 2025–2026 jyldary Astanada syıymdylyǵy 12 myń tonna bolatyn 2 kókónis qoımasy jáne jylyna 53 myń tonna ónim óńdeýge qaýqarly 3 qaıta óńdeý zaýyty iske qosyldy. 18 myń tonna kókónis jetkizý boıynsha kelisimsharttar jasaldy. Aldaǵy eki jylda agroónerkásiptik keshen salasynda jalpy quny 180 mlrd teńgeni quraıtyn 7 ınvestısııalyq jobany iske qosý josparlanyp otyr. Nátıjesinde 1,6 myń jańa jumys orny ashylady.
Premer-mınıstr «Astana ETKOM» JShS et óńdeý zaýytynyń alańynda bolyp, óndiristiń tehnologııalyq úderisimen jáne shyǵarylatyn ónim túrlerimen tanysty.
Kásiporyn dırektory Nurlan Aıtbaev zaýyt 2026 jyldyń ekinshi toqsanynda paıdalanýǵa beriletinin málimdedi. Jobalyq qýaty táýligine 50 tonnaǵa deıin daıyn ónimdi, ıaǵnı jylyna 18 myń tonnadan astam ónim shyǵarýǵa múmkindik beredi. Shıkizatty otandyq óndirýshilerden, sonyń ishinde «Aıtas» AQ, «KazBeef» JShS jáne óńirlerdegi sharýa qojalyqtarynan satyp alý josparlanýda. Alǵashqy kezeńde kásiporynda 100-ge deıin jumys orny ashylsa, tolyq qýatqa shyqqannan keıin bul kórsetkish 300-ge deıin jetedi. Kadr daıarlaý maqsatynda kásiporyn kolledjder men basqa da oqý oryndarynyń stýdentterin oqytýdy uıymdastyrdy, olarǵa keıinnen jumysqa ornalasý múmkindigi qarastyrylǵan.
Oljas Bektenov tereń óńdeý agroónerkásiptik keshendi damytýdyń negizgi baǵyttarynyń biri bolyp qala beretinin atap ótti. Prezıdenttiń tapsyrmasyna sáıkes Úkimet agrarlyq sektordy qoldaýdy kúsheıtip, onyń ishinde bıologııalyq qaýipsizdiktiń negizi bolyp sanalatyn veterınarııa salasyn damytýǵa, ınfraqurylymdy jetildirýge jáne baqylaý júıesin jańǵyrtýǵa basymdyq berip otyr. Qazaqstannyń aýsyldan taza el mártebesin alýy mal sharýashylyǵyn damytýǵa jáne eksporttyq múmkindikterdi keńeıtýge qosymsha jol ashady. Turaqty shıkizat bazasy men sońǵy jyldardaǵy joǵary ónimdilik bul qaıta óńdeý kólemin arttyrýǵa, daıyn ónim shyǵarýdy kóbeıtýge jáne otandyq taýarlardy ishki ári syrtqy naryqtarǵa ilgeriletýge qolaıly jaǵdaı qalyptastyrady.
«Prezıdent elordaǵa erekshe mindetter júktep otyr: Astana árdaıym aýqymdy bastamalardyń aldyńǵy shebinde bolyp, barlyq óńirlerge úlgi bolýy tıis. Elorda ınfraqurylym, ónerkásip, logıstıka, sıfrlyq sheshimder jáne áleýmettik sala baǵyttarynda damýdyń joǵary qarqynyn qalyptastyrýy qajet. Árbir joba qalanyń ekonomıkasyn nyǵaıtyp, jumys oryndaryn ashyp, azamattardyń ómir súrý sapasyn arttyryp, bıznes úshin jańa múmkindikterge jol ashýy mańyzdy. Sondyqtan ákimdik pen salalyq mınıstrlikterdiń mindeti – jobalardy súıemeldeýdi qamtamasyz etý, kásiporyndardy ýaqtyly iske qosý jáne óndiristerdiń turaqty júktelýine jaǵdaı jasaý», dep atap ótti Oljas Bektenov.
