Shaǵalalarmen shaıqasýǵa sheshim shyǵardy

Fransııa shaǵalalarǵa qarsy qarýly qarsylyq kórsetýge daıyndalyp jatyr. Eldiń soltústik-batysynda ornalasqan Trývıl-Sıýr-Mer qalasy osy maqsatta qazir shaǵalalarǵa qarsy soǵysta qoldanylatyn ushqyshsyz ushaqtardy testileýden ótkizip jatyr. Qoldaǵy bar aqparatqa qaraǵanda, jańa apparat shaǵalalardy taýyp alyp, olarǵa sterılızatordan suıyq sebeleıdi. «Sońǵy kezderi qala shaǵalalary barynsha qaskóı, batyl bolyp aldy. Olar adamdardan qorqýdy qoıdy. Bul qustar tipti balyq jeýden de jeridi. Uıalaryn da quz basyna salmaıtyn boldy. Olar qazir etqorektige aınalyp, jurtpen birge qalada turady. Men bular bir kúni kishkentaı balany urlap áketip jatsa, tańǵalmas edim», – dedi qala meriniń orynbasary. Budan basqa, jergilikti balyq­shylardyń sózderine qaraǵanda, qazir óktem bolyp alǵan bul qustar ózderiniń traýlerlerine shabýyl jasaıtyn kórinedi. Alaıda, jurt shaǵalalarǵa eshteńe isteı almaı kelipti. Sebebi, olar 2009 jyldan beri qorǵalatyn qustardyń sanatynda turǵan eken. Endi sol tyıymdy alyp tastaýǵa týra kelip jatyr. Qurysh NURYMBET.