Zıdan «Realdyń» kelesi bapkeri bolýy múmkin

ASTANA. 29 naýryz. Madrıdtiń «Real» komandasy jastar quramynyń bas jattyqtyrýshysy, Fransııa quramasynyń burynǵy fýtbolshysy Zınedın Zıdan endi Karlo Anchelottı ketkennen keıin onyń ornyn alyp, negizgi jasaqty basqarýy múmkin. Bul týraly Football Espana habarlady. Basylymnyń jazýynsha, biraq munyń naqty qashan júzege asatyny belgisiz. «Áńgime kandıdattar týraly bolyp otyrǵan joq, ol jalǵyz. Josparǵa sáıkes, ol Zıdan bolýǵa tıis. «Qazir ol ekinshi komandamen jumys jasap júr, - dedi Sky Sports efırinde belgili jýrnalıst Grem Hanter. – Jospardyń ózi de osynda. «Realdaǵylar» onyń tájirıbe ala túskenin qalaıdy. Buǵan Zıdannyń ózi múddeli ǵoı dep oılaımyn». Anchelottıdiń osy jazda «Realda» kete qalýy qıyndaý. Biraq osylaı bola qalsa, klýb Zızýdiń komandat tizginin alatyn shaǵyn taǵy bir jyl kútedi». Eske sala keteıik, Zıdan 2013-2014 jyldary Anchelottıdiń kómekshisi bolǵan edi. Osydan keıin «Real Kastılıany» basqaryp ketti. Zıdannyń komandasy qazir segýndanyń V tobynda tórtinshi bolyp keledi. Buǵan qosatynymyz, Zınedın 2001-2006 jyldary «Realdyń» jartylaı qorǵanys shebinde oınap edi. Damır Qojamqul.