Arystan men býıvoldyń qandy shaıqasy (foto)

Tabıǵattyń ózi qatigez. Onda kúshtiler jeńedi, álsizder óledi. Jer-Ana jaratylǵaly beri solaı. Alystaǵy Afrıka jerinde, Zambııanyń Ońtústik Lýangvadaǵy ulttyq saıabaǵynyń aýmaǵynda bolǵan myna qandy shaıqas sonyń taǵy bir kýási ispettes. Onda qyshyma aýrýyna ushyraǵan 6 jasar arystan praıdtan shyǵaryp jiberiledi. Syrtqa ashynyp ta, ashyǵyp da shyqqan «ań patshasynyń» ókili býıvoldar tabynyna tap beredi. Biraq múıizdi iri qaralar oǵan berile qoımady. Osylaısha saǵat shamasyna sozylǵan aıaýsyz aıqas bastalyp ta ketti. О́lispeı berispeý shaıqasyn qoryqtyń ekskýrsovody Metta Armstrong-Ford sýretke basyp alǵan eken... Myna rásimderge qaraǵan adam aıqastyń qalaı ótkenin paıymdaı alady.

Jekpe-jek shynynda ólim men ómirdiń teketiresi boldy. Aldymen qatty soqqy alǵan arystan qatardan shyǵyp qaldy. Biraq birden óle qalǵan joq. Odan qutylǵanyna qýanǵan býıvol urysty jerden tez ketýge tyrysty. Alaıda, bul shaıqasta jeńimpaz bolǵan joq. Kútkendegideı, alǵan jaraqatynyń áserinen arystan eki kúnnen keıin jantásilim etti. Al býıvol sál keıinirek, osy shaıqasta arystannan juqqan aýrýy saldarynan ajal qushty. Murat Aıtqoja.