Baqytjan Saǵyntaev óziniń bir isine ókinetinin bildirdi

ASTANA. 29 naýryz. «Qazatomónerkásip» UAK» aksıonerlik qoǵamynyń basqarma tóraǵasy Nurlan Qapparovty aqtyq saparǵa shyǵaryp salý sátinde Úkimet basshysynyń birinshi orynbasary Baqytjan Saǵyntaev marqumnyń rýhy aldynda keshirim suraıtynyn jetkizdi. Bul týraly nur.kz habarlady. Qaraly jıynda Baqytjan Saǵyntaev: «Osy taıaýda ózimniń oılanbaı jasaǵan áreketim úshin Nurlannyń rýhy aldynda keshirim suraımyn. Nurlan ekologııa mınıstrliginen ketip, «Qazatomónerkásip» AQ-ty basqaryp júrse de, «EKSPO-2017» dırektorlar keńesiniń tóraǵasy bolatyn. Ol Elbasynyń qabyldaýyna daıyndalyp júrdi. О́ıtkeni, Qazaq ulttyq pavılonynyń qurylymyna jaýapty edi. Biz Premer-mınıstrdiń aldynda arnaıy rolıkti tamashaladyq», – dedi. Alaıda, rolıkti kórip bolǵan soń Saǵyntaev bir eskertpesiniń bar ekendigin aıtqan. «Nurlan osyǵan baılanysty jobasyn qaıta óńdeımin degenshe, 10 kún ýaqyty ketti. Qazir sol aıtqan eskertpem úshin qatty ókinemin. Eger aıtpaǵanymda, ol óz ıdeıasymen jáne daıyndaǵan rolıgimen Elbasynyń qabyldaýynda bolar edi. Múmkin, jobasy maquldanyp, biz Nurlannyń jasaǵan eńbegin kórer me edik. Men bul rolıktiń Memleket basshysynyń qaraýynda bolatyny jóninde Nurlannyń rýhy aldynda ýáde etemin. О́ıtkeni, ol óziniń osy jobasyna bar yntasymen kirisken bolatyn», – dedi Saǵyntaev. Aıta keteıik, marqum Almatydaǵy Keńsaı zıratyna jerlendi. Joldybaı Bazar. Derek, sýret: nur.kz.