Salyqshylar sábılerge ertegi syılady

  Kókshetaý qalasynyń «Altyn bala» balabaqshasynda, Aqmola oblysy boıynsha memlekettik kirister departamentiniń qyzmetkerleri «Salyq tólegisi kelmegen sarań Hasan týraly ertegi» kitabyn tanystyrdy. Departamenttiń memlekettik qyzmetter basqarmasynyń basshysy Nazgúl Aıýpova sábılerge syı-saýǵalar úlestirip, taqpaq aıtý men án jarysyn uıymdastyrdy. Balalarmen suhbat barysynda olardyń týǵan el, dostyq, janýarlar álemine qatys­ty pikirleri beınetaspaǵa jazyp alyndy. Mundaǵy ártúrli oıyndardyń ózi tanymdyq mazmunǵa qurylady eken. Sondaı-aq, bala­baqsha tárbıelenýshileriniń bola­shaqqa qatysty oı-óristeriniń keńdigi tánti etti. Sodan bolsa kerek, «salyqtyq mádenıet balalyq shaqta qalyptasady, sondyqtan biz óskelen urpaqpen jumys jasaýǵa árdaıym kóńil bóletin bolamyz», – deıdi júzi bal-bul janǵan Nazgúl. Tanystyrý kezinde departamenttiń bas mamandary Elnar Qazbekov pen Dınara Eshimtaeva bolashaq 18 salyq tóleýshiniń áqaısysyna bir-bir danadan ertegi kitabyn tabys etti. Mektepke deıingi mekemeniń dırek­tory Gúljan Erjanova aıt­qandaı, jańa memlekettik organ­nyń balalarǵa qonaq bolyp, erekshe kóńil bólýi qýantarlyq, sebebi, osy sábı shaqta balanyń sana sezimi damyp, tulǵa retinde qalyptasady jáne tártiptik ádepke umtylystary kórinis tabady. Osy rette, memlekettik kirister departamenti jańa oqý jylynda mektep tabaldyryǵyn alǵash ret attaıtyn qaladaǵy barlyq búldirshinderge «Salyq degenimiz ne jáne onyń qajet­tiligi» atty kitabyn syıǵa tar­týdy josparlap otyrǵanyn aıta ket­­kimiz keledi. Baqbergen AMALBEK, «Egemen Qazaqstan». KО́KShETAÝ.