Sheteldegi qazaqstandyq stýdentter elordada bas qosty

Keshe elordada Qazaqstannyń sheteldegi stýdenttik uıymdarynyń eki kúndik IV sleti bastaldy. «Bolashaq» qaýymdastyǵy, «Nur Otan» partııasynyń «Jas Otan» JQ, sondaı-aq, Bilim jáne ǵylym mınıstrliginiń qoldaýymen ótip jatqan sharaǵa 250-den astam stýdent qatysýda. Negizinen stýdentter álemniń 16 elinen (Ulybrıtanııa, AQSh, Kanada, Avstralııa, Germanııa, Ispanııa, Fransııa, Shveısarııa, Ven­grııa, Chehııa, Polsha, Qy­taı, Koreıa, Malaızııa, Reseı, Túr­kııa jáne basqa da elder) kelip­ti. Sheteldegi qazaqstandyq stýdent­terdiń uıym sany 60-qa jetken. Jıynǵa memlekettik organdar men ulttyq kompanııalardyń ókilderi, «Bolashaq» baǵ­dar­­­la­ma­synyń stıpendıattary, kásip­kerlik, azamattyq sektor sala­syndaǵy sarapshylar jáne basqa salalardyń mamandary qatysýda. Slettiń túske deıingi otyrysy «Sletten kelesi sletke: tujyrym, ıdeıa, damý» suh­bat alańyna arnalyp, shetel­degi stýdenttik uıym­dar kósh­basshylary jyl ishindegi jumystarynyń nátı­jelerimen bólisip, aldaǵy is-jospar­­­lary men jobalar jaıyn sóz etti. Al plenarlyq otyrys­ta moderatorlyq jasaǵan «Nur Otan» partııasy Qoǵamdyq saıasat ınstıtýtynyń dırektory Saıasat Nurbektiń atap ótkenindeı, Elbasy «Bolashaq» baǵdar­lamasy túlekterine birqatar jaýap­ty qyz­metterdi senip tapsyrýda. Sol túlek­­terdiń biri – «Báıterek» UBH» AQ basqarma tóraǵasy Qýan­­­dyq Bıshimbaev aldymen sóz aldy. Ol óz sózinde «Bolashaq» qaýym­dastyǵy keńesi qurylǵandyǵyn tilge tıek ete kelip, jastardy kásipkerlikke tartý jaıy ózekti bolyp otyrǵandyǵyna nazar aýdartty. Basqarma tóraǵasynyń sózinen málim bolǵandaı, qazirgi kezde alǵash ret qazaqstandyq «bıznes keıs» jınaǵy ázirlenýde. Bul kitapty oqyp shyqqan árbir jas qandaı she­shim qabyldaǵan durys degen suraqqa ­jaýap tabýy tıis. «Memleket basshysy «Bolashaq» baǵdarlamasynyń stıpendıattary men túlekterine úlken úmit artyp otyr. Sondyqtan da, biz Prezıdent pen halyqtyń bizge artqan senimin aqtaý úshin bar kúshimizdi sarqýymyz kerek», – dedi Q.Bıshimbaev. Bolashaqtyqtardyń memleket qurylymyn jetildirýdegi áleýetiniń mol ekendigin jetkizgen BǴM Jastar saıasaty jónindegi departamentiniń dırektory Roza Káribjanova 2015 jyldan bastap aǵylshyn tilin úıretý 6+6 modeline kóshkendigin aıtyp berdi. Iаǵnı, endi stýdentter aǵylshyn tilinde Nazarbaev Ýnıversıtet pen ál-Farabı atyndaǵy Qazaq ulttyq ýnıversıteti bazasynda oqytylady, al qalǵan jarty­jyldyqty shetelderde jalǵastyratyn bolady. «100 naqty qadam» – Ult jos­paryn júzege asyrýda joǵary bilikti eńbek resýrstarymen qamtamasyz etý úshin myqty bilim berý júıesiniń qajettigi erekshe sezilgendigine toq­talǵan R.Káribjanova qazirgi tańda elimizde 10 joǵary oqý ornynda ınnovasııamen aınalysýǵa múmkindikter ashylǵandyǵyna toqtaldy. Jalpy, elimizdegi joǵary oqý oryndarynyń janynan 500-ge tarta ǵylymı-zert­teý qurylymdary men bólimsheleri ashylǵan. Sondaı-aq, Nazarbaev Ýnıversıtet tájirıbesi negizinde keshendi basqarý tetigi engizilýde. Bilim berý, ǵylym jáne óndiristi ıntegarsııalaý júzege asyrylýda. Budan basqa kommersııalaý jónindegi 13 ofıs ashylǵan. Jáne de 3 tehnopark pen 4 bıznes ınkýbator qurylǵan. Qazaqstandyq jastardyń shetelderde Qazaqstandy tanytatynyn alǵa tartqan «Halyqaralyq baǵdarlamalar ortalyǵy» AQ prezıdenti Ǵanı Nyǵy­me­tov qazirgi kezde shetelderde 40 myńǵa tarta qazaqstandyq bilim alyp jatqandyǵyn atap ótti. Olar qurǵan uıymdar «Qazalıans» uıymyna birik­ti­rilip, qazaqstandyq stýdentter ózderin úlken otbasy qamqorlyǵynda ekendi­gin sezinetindeı jaǵdaı qalyp­tasyp otyr. О́z ókildikteriniń álemniń bes qalasynda (London, Máskeý, Berlın, Shanhaı, Vashıngton jáne Boston) oryn tepkendigin ataǵan Ǵ.Nyǵymetov bul ókildikter shetelderdegi qazaqstandyq stýdentteri uıymdarynyń bastamalaryna qoldaý kórsetýge ázir ekendiginen de habardar etti. Al búgin Qazaqstan gýmanıtarlyq-zań ýnıversıtetinde «Ideıadan bıznes – modelge deıin: startaptyń «ómirsheń­dik» joldary», «Bıznestegi tıimdi kelis­sózder», «Kásipkerlik. Al­ǵashqy qadam» jáne «Bıznestiń áleý­mettik jelilerde damýy» taqy­ryp­­tarynda bıznes-trenıngter uıymdastyrylady. Asqar TURAPBAIULY, «Egemen Qazaqstan».