AQTAÝ. 30 naýryz. Mańǵystaýda 28 naýryz kúni keshkisin bastalǵan shańdy daýyl áli tolastaǵan joq. Bul týraly egemen.kz tilshisi habarlady.
О́ńirde kún kúrt sýytty. Qatty jel turyp, oblystyń keıbir aýmaqtarynda aıazdan sý qatýda. Al Mańǵystaý, Túpqaraǵan, Qaraqııa aýdandary men Aqtaý, Jańaózen qalalarynda óte qatty ekpinmen soqqan jel men shańdy daýyl bet qaratpaı tur. Sekýndyna 25 metrlik jyldamdyqpen uıytqyǵan qatty jel jáne joldy kórsetpeı boraǵan shań saldarynan Munaıly aýdanynda eki jeńil kólik soqtyǵysty. Odan bólek, Jetibaı-Aqtaý tasjolynda vahtalyq jumysshylardy tıegen avtobýs aýdaryldy. Biraq, adam shyǵyny oryn alǵan joq. Qatty jel Qaraqııa aýdanynyń Quryq aýylyndaǵy orta mekteptiń shatyryn qıratyp ketti. Qazir oblysta jol qaýipsizdigin saqtaý sharalary qolǵa alynǵan.
«Úsh kúnge sozylǵan shańdy daýyldyń sońy qar aralas jańbyrǵa ulasady» deıdi meterologııa mamandary.
Gúlaıym Shyntemirqyzy.
Derek: egemen.kz.
Sýret: Talant Qusaıyn.
