Nıý-Iork turǵyndaryna úılerinde temeki shegýge shekteý qoıylýy múmkin

ASTANA. 30 maýsym. AQSh-tyń Nıý-Iork qalasynda turǵyndarǵa óz úılerinde temeki shegýge tyıym salynýy múmkin. Osyndaı usynysty qala meri Bıll de Blazıo jarııalady. Bul týraly The New York Post basylymyna silteme jasaǵan russian.rt.com habarlady. Atalǵan basylymnyń jazýynsha, bul – qala basshysynyń shahardaǵy temeki shegýdi azaıtýǵa baǵyttalǵan strategııalarynyń biri bolyp tabylady. Baǵdarlama boıynsha bul bastama úshin qarjy bólý de josparlanyp otyr. AQSh Densaýlyq saqtaý mınıstrliginiń habarlamasyna qaraǵanda, mundaı tyıymnan jurtshylyqtyń utary kóp. «Halyq óz úılerinde taza ári saf aýamen rahattana alady, al páter qojaıyndary jeke menshikterine jumsalatyn shyǵyndaryn azaıtady», – deıdi mamandar. Esterińizge sala keteıik, Nıý-Iork qalasynda qazirdiń ózinde parkter men barlyq kommersııalyq mekemelerde temeki shegýge tyıym salynǵan. Elaman Qońyr. Derek: russian.rt.com. Sýret: fishki.net.