«Bir shańyraq astynda» Etnoaýylda Assambleıa sessııasy men forým ótti

Kendi Altaıda Qazaq­­­stan halqy Assam­bleıa­synyń 20 jyldyq mereıtoıynyń aıasynda «Bir shańyraq astynda» atty etnoforým ótti. Atalǵan sharada óńir basshysy Danıal Ahmetov 11 Dostyq úıiniń jetekshilerin qoǵamdaǵy turaqtylyq pen ultaralyq kelisimdi nyǵaıtýǵa, ulttyq-mádenı shyǵarmashylyqty damytýǵa qosqan zor úlesi úshin marapattady.

Elimizdegi biregeı keshenderdiń biri sanalatyn etnoaýyldaǵy aqshańqan kıiz úıde dostyq peıildiń jarqyn úlgisimen ótken jıynǵa qatysýshylar Elbasynyń Assambleıanyń HHII sessııasynda júktegen tapsyrmalary men mindetterin talqylady. Forým sheńberindegi óńirlik Assambleıanyń HHII sessııasyna QHA músheleri, etnomádenı birlestikter jetekshileri, Dostyq úıleriniń dırektorlary, ardagerler, memlekettik qurylym basshylary jáne jastar qatysty. Oblys ákimi sessııa jumysynda Prezıdent júktegen mindetterdiń údesinen shyǵý qajettigin jáne 26 sáýirde ótken saılaýdyń el yntymaǵy men birligin taǵy bir aıshyqtaǵanyn atap ótti. – Prezıdenttik saılaýǵa Shy­ǵys Qazaqstan oblysyndaǵy daýys berý quqyǵy bar turǵyn­dardyń 97,57 paıyzy qatysyp, olardyń 98,37 paıyzy daýysyn Elbasy Nursultan Nazarbaevqa berdi. Bul – óńir halqynyń saıa­sı belsendiligin, Memleket basshy­synyń júrgizip otyrǵan saıası baǵdaryna qoldaý bildi­re­tindik­terin baıqatady. Qazaqstan hal­qy Assambleıasy qoǵamdyq keli­sim modelin qalyptastyrýda aýqym­­­dy jumys atqardy. Qazirgi kezde etnomádenı birlestikterdiń áleýe­tin odan ári bekite túsýge basym­dyq berilip otyr. Osy oraıda Aıagóz, Zaısan, Kókpekti, Úr­jar aýdan­­darynda Dostyq úıle­rin ashý jos­parlanǵan, – dedi D.Ahmetov. Aıta ketý kerek, óńirde eli­mizdegi alǵashqy Dostyq úıi ashylyp, «Beıbitshilik pen kelisimniń jol kartasy», «Dostyq kerýeni» syndy aýqymdy jobalar tuńǵysh ret júzege asyrylǵan bolatyn. Sońǵy bes jyldyń kóleminde oblysta tatýlyqty tý etken 2286 óńirlik jáne halyqaralyq is-shara ótip, oǵan 220 myńnan astam adam qatysty, 7 myńnan astam adamǵa 9,2 mıllıon teńgeniń qaıyrymdylyq kómegi kórsetildi. Sonymen birge, bıyl oblys ardagerlerine 900 mıllıon teńge kóleminde qarjylaı áleýmettik kómek kórsetilmek. – Turaqtylyq, beıbitshilik pen kelisimde turyp jatqan qa­zaqstandyq qoǵamnyń biregeı qurylysyna az kúsh-qýat jum­salǵan joq. Assambleıa qaıy­rymdylyq aksııalary men shara­lardyń ortalyǵyna aınaldy, dedi oblystyq QHA hatshylyǵynyń meńgerýshisi Erkimbek Aıazbaev. Shekaralyq yntymaqtastyq sheńberindegi is-sharalar aýqymy jyl sanap keńeıip keledi. Máselen, byltyr Reseıdegi Altaı ólkesiniń bir­qatar eldi mekenderin sý basqan kezde Borodýlıha, Besqaraǵaı, Shemonaıha jáne Zyrıan aýdandary kórshi óńirge 7 mıllıon teńgeniń gýmanıtarlyq kómegin jóneltti. «20 izgi is» aksııasy da belsendi atqarylýda. 27 aqpannan beri oblysta 490 is-shara qolǵa alynyp, 7600 muqtaj janǵa 5,4 mıllıon teńgeniń járdemi jasaldy. О́ńirdegi QHA ǵylymı-saraptamalyq tobynyń tóraıymy, D.Serikbaev atyndaǵy ShQMTÝ-dyń kafedra meńgerýshisi Nellı Krasnobaevanyń aıtýynsha, búginde 3 joǵary oqý ornynda Assambleıa kafedralary jumys isteıdi. Jýyrda Barnaýldaǵy Altaı ýnıversıtetinde bilim alyp júrgen 500 shyǵysqazaqstandyq stýdenttiń arasynda «Qazaqstan tarıhynan» olımpıada uıym­­dastyryldy. Sondaı-aq, «Qoǵam­dyq kelisimniń qazaqstandyq mo­deli» atty oqý jospary ázir­lenip, elimizdiń barlyq oqý oryn­d­aryna engizý máselesi qarastyrylýda. Sessııa sońynda etnomádenı uıymdardyń músheleri úndeý qabyldady. Bul qujatta: «Sessııa qatysýshylary Elbasynyń «Máń­­­gilik El» ıdeıasyn, «Nurly Jol» Jańa Ekonomıkalyq Saıa­satyn jáne bes ınstıtýttyq refor­masyn qoldaıdy. Elimizdiń tabys­tary kópultty Qazaqstan halqy dostyǵynyń nátıjesi. Qazaq­stan­dyqtar ózderiniń biregeı damý jo­lyn tańdady. Bizdiń bir­ligimiz – «Máń­gilik El» ıdeıasyn iske asyrý­dyń basty faktory, delingen. Sondaı-aq, etnoaýyldyń jaz­ǵy sahnasynda etnomádenı bir­lestikterdiń shyǵarmashylyq ujymdarynyń merekelik kon­serti ótti. Sahna tórindegi ekrannan «Bir Otan, bir taǵdyr, bir jer» atty beınebaıan kórsetilip, jastar ondaǵan etnostyń tilinde sálemdesti jáne kók aspanǵa beıbit­shilik qusy – aq kógershin­der ushyryldy. Kesh barysynda «Zlato», «Vaınah», «Svıtoch», «Inveıders» jáne «Alaý» sııaq­ty óner ujymdary kórermen yqylasyna bólendi. Forým Qazaqstan halqy Assambleıasynyń 20 jyldyǵyna arnalǵan kóptegen is-sharalarmen jalǵasady. Dýman ANASh, «Egemen Qazaqstan». О́SKEMEN.