Qamqorlyq

Qyzylorda oblysynda eki birdeı sport kesheni ashyldy Qyzylorda oblysynyń eki birdeı aýdanynda, ıaǵnı, Jańaqorǵan men Qazalyda zamanaýı úlgidegi sporttyq-saýyqtyrý kesheni paıdalanýǵa berildi. Sport keshenderi qa­jetti qurylǵylardyń barlyǵymen jabdyq­talǵan. Qurylysy 2014 jyldyń tamyz aıynda bastalǵan sport nysanynda bir mezgilde 150-den asa adamnyń jattyǵýyna múm­kindik bar. Jańaqorǵan aýdanyndaǵy jańa sport kesheniniń ashylýyna oblystyq más­lı­hattyń hatshysy Aqmaral Álnazarova qatysty. – Elbasynyń sarabdal saıasatynyń nátıjesinde elimizde osyndaı áleýmettik nysandar kóptep boı kóterýde. О́skeleń urpaqtyń deni saý, zaman talabyna saı qabiletti bolyp ósýine memleket tarapynan barlyq múmkindikter jasalýda. Endigi kezekte Jańaqorǵannyń jas jetkinshekteri osy keshende jattyǵyp, el abyroıyn asqaq­tatady degen senimdemiz, – dedi ol. Jańaqorǵandyqtar memleket tarapynan jasalyp jatqan qamqorlyqqa rıza­shylyǵyn jetkizip, jas sportshylarymyz aldaǵy ýaqytta dúbirli dodalarda namysty qoldan bermeı kók baıraǵymyzdyń bıikten jelbireýine atsalysatynyn aıtty. Sondaı-aq, dál osyndaı sport nysany Qazaly aýdany, Áıteke bı kentinde ashyldy. 160 oryndyq zamanaýı úlgide salynǵan sport kesheniniń ashylýymen oblys ákiminiń orynbasary Raýan Kenjehanuly quttyqtap, memleket basshysynyń júrgizip otyrǵan saıasatynyń basty baǵyttarynyń biri – jastardyń sportpen aınalysýyna barynsha jaǵdaı jasaý ekendigin jetkizdi. Sonymen qatar, búgingi ashylyp otyrǵan saýyqtyrý kesheninen tárbıelenetin sportshylardyń el abyroıyn asqaqtatatynyna senim bildi­retindigin jetkizdi. Aıta keteıik, oblysta buqaralyq sportty damytýǵa úlken kóńil bólinip,  qyrýar jumystar atqarylyp jatyr. Bıyl Qyzylorda qalasynda boks ortalyǵy men ıppodrom paıdalanýǵa beriledi. Budan bólek Ilıa Ilın atyndaǵy aýyr atletıkadan sport kesheni men úsh myń oryndyq jabyq fýtbol manejiniń qurylysy bastalady. Erjan BAITILES, «Egemen Qazaqstan». Qyzylorda oblysy.