ASTANA. 30 maýsym. Keshe elordada Ortalyq jáne Ońtústik Azııa elderiniń zorlyq ekstremızmge qarsy is-qımyl jónindegi óńirlik konferensııasy óz jumysyn bastady. Bul týraly Bas prokýratýranyń baspasóz qyzmeti habarlady.
Onyń jumysyna 24 elden kelgen delegasııalar, AQSh, Eýroodaq jáne Reseıdiń ýákiletti organdarynyń jetekshileri, BUU, EQYU, ShYU jáne basqa da halyqaralyq uıymdar men azamattyq qoǵam ókilderi, terrorızm men ekstremızmge qarsy kúres salasyndaǵy jetekshi sarapshylar qatysýda.
Konferensııany Qazaqstan Respýblıkasynyń Bas Prokýrory Ashat Daýylbaev ashty.
Qazaqstan Respýblıkasynyń Premer-Mınıstri Kárim Másimov, AQSh-tyń Ishki qaýipsizdik mınıstrligi Keden-shekara qyzmetiniń jetekshisi Gıl Kerlıkovskı basqosýǵa qatysýshylarǵa quttyqtaý sóz arnady.
Sondaı-aq, Prezıdenttiń kómekshisi – Qazaqstan Respýblıkasynyń Qaýipsizdik Keńesiniń Hatshysy Nurlan Ermekbaev jáne Ulttyq qaýipsizdik komıtetiniń Tóraǵasy Nurtaı Ábiqaev sóz sóıledi.
Astanadaǵy konferensııa aǵymdaǵy jyldyń aqpan aıynda Vashıngtonda ótken zorlyq ekstremızmge qarsy kúres jónindegi sammıttiń zańdy jalǵasy ispetti. Bul forýmdy ótkizý ıdeıasyn Ortalyq Azııa óńirindegi ıntegrasııanyń belsendi bastamashylarynyń biri retinde Qazaqstan usynǵan bolatyn. Respýblıka BUU-nyń terrorızmge qarsy kúres jónindegi negizgi konvensııalaryna qosylǵan, elimizde ulttyq terrorızmge qarsy kúres ortalyǵy qurylǵan jáne ol halyqaralyq jáne óńirlik osyndaı qurylymdarmen belsendi túrde ózara is-qımyl jasasýda. TMD, ShYU, Ujymdyq qaýipsizdik týraly kelisim jónindegi uıymnyń terrorızmge qarsy kúrestegi neǵurlym tıimdi halyqaralyq-quqyqtyq ınstıtýttarǵa aınalyp kele jatqan qurylymdary aıasynda sharalar qabyldanýda.
О́z sózinde Ashat Daýylbaev ekstremızm men terrorızm qaýpiniń ǵalamdana túsýi barlyq álemdik qaýymdastyqtyń kúsh-jigerin neǵurlym tereń shoǵyrlandyrýdy, oǵan qarsy kúrestiń tıimdi strategııasyn ázirleýdi talap etetindigin atap kórsetti. Bul óte kúrdeli mindet jáne álemdegi qaýipsizdiktiń taǵdyry onyń sátti bolýyna tikeleı baılanysty. Sondyqtan birlesken kúsh-jiger eń aldymen radıkaldyq ıdeologııanyń taralýyn eskertýge jáne onyń jolyn kesýge, zorlyq ekstremızmmen kúresýge daıyn barlyq syndarly kúshtermen ózara tıimdi qarym-qatynasty qalyptastyrýǵa baǵyttalýy tıis.
Konferensııanyń kún tártibinde zorlyq ekstremızmniń beleń alýyn boldyrmaý, onyń qozǵaýshy kúshteriniń tamyryna balta shabý jónindegi tıimdi saıasatty qalyptastyrǵan baılanysty ózekti máseleler tur.
Alǵashqy kúni qatysýshylar ekstremızmdi týǵyzýshy sebepter men alǵysharttardy, radıkaldy toptardan bolatyn qaýipterdi, sondaı-aq, áleýmettik jelilerde jáne ınternette ekstremıstik ıdeıalardy taratýǵa, azamattardy sheteldik qarýly qaqtyǵystarǵa qatysýǵa azǵyryp kóndirýge qatysty máselelerdi talqylady.
Ekstremızmge tosqaýyl qoıý jónindegi ulttyq strategııalar men josparlardy ázirleý máselelerin talqylaý barysynda qyzý pikirtalastar boldy. Ekstremızm men radıkalızmniń ártúrli formalarymen kúresý jónindegi memlekettik strategııalar, terrorızmniń qarjylandyrylýyn, qarý-jaraq pen esirtkiniń zańsyz aınalymyn anyqtaý jáne olardyń jolyn kesý jónindegi birlesken sharalar, radıkaldyq kórinisterdiń profılaktıkasy salasyndaǵy jumys tájirıbesi men aqparat almasý máseleleri talqylandy.
Memlekettiń ekstremızmmen kúres jónindegi kúsh-jigerin qoldaýdaǵy jurtshylyq pen úkimettik emes uıymdardyń róli, osy jumysqa azamattyq qoǵam kóshbasshylaryn, sonyń ishinde jastardyń, áıelderdiń jáne dinı uıymdardyń ókilderin belsendi túrde tartýdyń mańyzdylyǵy erekshe atalyp ótildi.
Konferensııanyń arnaıy sessııasy osy saladaǵy jumystarǵa ınnovasııalyq tásilderdi qoldaný máselelerine arnaldy. Ártúrli elderdiń quqyq qorǵaý organdarynyń aldyńǵy qatarly tájirıbelerine, qoǵam ókilderin tartý ádisterine, azamattyq qoǵam bastamalaryn júzege asyrýdyń tıimdi tájirıbesine jasalǵan sholý jınalǵandardyń nazaryna usynyldy.
Sondaı-aq, qatysýshylarǵa úkimettik emes uıymdardyń Ystambuldaǵy zorlyq ekstremızmge tosqaýyl qoıý jónindegi konferensııasynyń qorytyndylary tanystyryldy.
Forým jumysynyń birinshi kúniniń nátıjeleri boıynsha qorytyndy qujat qabyldandy, ony Qazaqstannyń Syrtqy ister mınıstri Erlan Ydyrysov jarııa etti.
Málimdemede delegattar zorlyq ekstremızmge qarsy kúreske ujymdyq kúsh-jiger baǵyttaýǵa, óńirlik jáne halyqaralyq qaýipsizdikti qamtamasyz etý jolynda ózara tıimdi yntymaqtastyqty keńeıtýge ázir ekendikterin maquldady. Osy maqsattarda terrorızmge qarsy tıimdi strategııany jasaýǵa baǵyttalǵan jan-jaqty qamtylǵan óńirlik baǵdarlama ázirleý qajet dep tanyldy. Atalǵan bastamalar aǵymdaǵy jyldyń qyrkúıek aıynda Nıý-Iorkte ótetin BUU Bas assambleıasynyń otyrysynda kórinis tabatyn bolady.
Jıynnyń qorytyndylary boıynsha Bas Prokýror Ashat Daýylbaev, AQSh-tyń Ishki qaýipsizdik mınıstrligi Keden-shekara qyzmetiniń jetekshisi Gıl Kerlıkovskı, Syrtqy ister mınıstri Erlan Ydyrysov, Ulttyq qaýipsizdik komıtetiniń tóraǵasy Nurtaı Ábiqaev, BUU Bas Hatshysynyń arnaıy ókili, Ortalyq Azııa boıynsha preventıvtik dıplomatııa jónindegi BUU О́ńirlik ortalyǵynyń basshysy Petko Draganov qatysqan baspasóz máslıhaty bolyp ótti.
Elaman Qońyr.
Derek, sýret: Bas prokýratýranyń baspasóz qyzmeti.
