Mamandardyń aıtýynsha, zilzalanyń epısentri Halmahera aralynan soltústikke qaraı 40 shaqyrym qashyqtyqta oryn alǵan. Jer silkinisiniń oshaǵy 120 shaqyrym tereńdikten bastalǵan. Negizinen jer silkinisi teńiz aýmaǵynda bolǵan. Osyǵan baılanysty bul zilzaladan zardap shekkender joqqa tán.
Indonezııa Tynyq muhıtynyń «ot saqınasy» dep atalatyn óte kúshti tektonıkalyq jarylys aımaǵynda ornalasqan. Sondyqtan bul óńirde jerdiń tektonıkalyq qyrtystary belsendi qozǵalysta bolady. Mamandardyń boljamynsha, bul qyrtystardyń qozǵalysy jyl saıyn 7 sm. jyldamdyqty quraıdy eken. Seısmologtar jyl saıyn bul óńirde magnıtýdasy 4 baldan joǵary bolatyn 6-7 myń jer silkinisin tirkeıdi. Kóp rette jer silkinisiniń zardabynan adamdarǵa úlken apat ákeletin sýnamıler oryn alady.
