Eýropa lıgasy. «Qaırat» Fransııada «Bordoǵa» ese jiberdi (vıdeo)

ASTANA. 21 tamyz. О́tken túnde ÝEFA Eýropa lıgasy irikteý týrnıriniń pleı-off básekesi bastaldy. Osy synda el namysyn qorǵap júrgen Almatynyń «Qaıraty» syrt alańda Fransııanyń «Bordo» komandasymen kezdesip, 0:1 esebimen ese jiberdi. Bul týraly egemen.kz habarlady. Oıyn barysynda alań ıeleriniń basymdyǵy anyq baıqaldy. Alǵashqy mınýttardan bastap qaýipti shabýyldar uıymdastyrǵan olar birinshi taımnyń ortasynda esep ashty. Kezdesýdiń 27-mınýtynda nátıjeli soqqsymen kózge túsken oıynshy – Vahbı Hazrı. Úziliske deıin osy esep ózgergen joq. Ekinshi taım alma-kezek shabýyldarmen bastaldy. Bul rette «Qaırat» sapynan Jerar Goý, Sıto Rıera jáne Isaelderdiń belsendi qımyldaǵanyn atap ótken jón. Sondaı-aq, qaqpashy Vladımır Plotnıkovtyń sheberligine jankúıerler rıza boldy. Matchtyń sońǵy 20 mınýty teń jaǵdaıda órbip, bordolyqtar jeńis esebin saqtap qaldy. Qos komanda arasyndaǵy qarymta kezdesý 27 tamyzda Almatyda ótedi. ÝEFA Eýropa lıgasy. Irikteý týrnıriniń pleı-off satysy. «Bordo» (Bordo, Fransııa) – «Qaırat» (Almaty, Qaırat) 1:0 (1:0) 20 tamyz. Bordo. «Nývo Stad de Bordo» stadıony. Tóreshiler: Arnold Hanter, Rıchard Storı, Garet Ikın (bári de – Soltústik Irlandııa). «Bordo»: Jerom Prıor, Dıego Kontento (Maksım Pýndj 14), Nıkolıa Pallýa, Sedrık Iаmbere, Frederık Gılbert, Abdý Traore (Nıkolıa Morıs-Bele 71), Andre Bııogo Poko, Vahbı Hazrı, Dıego Rolan (Enso Krıvellı 85), Anrı Seve, Isaak Telın. «Qaırat»: Vladımır Plotnıkov, Brýno Soares, Mark Gýrman, Ermek Qýantaev, Islambek Qýat, Mıhaıl Bakaev, Baýyrjan Islamhan (Serjıno 68), Isael, Anatolıı Tımoshýk (Tımýr Rýdoselskıı 90+3), Jerar Goý, Sıto Rıera (Djordje Despotovıch 83). Gol: Vahbı Hazrı 27. Eskertýler: Enso Krıvellı 89 – Baýyrjan Islamhan 45, Sıto Rıera 79, Anatolıı Tımoshýk 84. Elaman Qońyr. Derek: egemen.kz. Sýret: sports.kz.