Túrkistanda Stalınniń eskertkishi alynyp tastaldy

ShYMKENT. 17 mamyr. Burnaǵy kúni Ońtústik Qazaqstan oblysy, Túrkistan qalasy mańyndaǵy Eski Iqan aýylyndaǵy jekemenshik úıdiń aldynda ornatylǵan Stalınniń eskertkishi alynyp tastaldy. Bul týraly Eski Iqan aýyldyq okrýginiń ákimi Abdýlla Saıdıkramovtyń sózine silteme jasaǵan egemen.kz tilshisi habarlady. Eskertkishtiń buzylý prosesi 15 mamyr kúni júrgizilgen. Aýyl ákiminiń aıtýynsha, jumys túski saǵat 12-ler shamasynda qolǵa alynyp, jekemenshik úıdiń aýlasynda ornatylǵan Stalın eskertkishi zańsyz bolǵan soń alynyp tastalǵan. Sebebi, eskertkishti aýlasyna qoıyp alǵan aýyl turǵyny buǵan Qazaqstan Respýblıkasy Mádenıet jáne sport mınıstrliginen ruqsat almaǵan. «Búgin Stalınniń eskertkishin alyp tastadyq. Turǵyn eskertkishti alyp tastaýǵa kelisti. О́ıtkeni, jeri zańsyz, nysanaly maqsaty durys emes», - deıdi ákim. Úı men jerdiń egesi kentte týǵaly beri turyp kele jatyr eken. Biraq sońǵy ýaqyttary menshigin qaıta tirkeýden ótkizbegen. Aýyl turǵyndary eskertkishti tuǵyrynan ózderi bólip, buzyp alyp shyqqan. Olar monýmentti úsh bólikke bólip alǵan. Eski Iqandaǵy eskertkishti alý jónindegi bastamashyl toptyń jetekshisi Mýrat Iýldashev munyń bári kent jáne aýdan basshylyǵymen belgili bir dárejede kelesimge kelýdiń arqasynda osyǵan qol jetkizilgenin aıtty. «Úıdiń ıesi – Baqyt aǵanyń óz menshigindegi jeri jónindegi qujattarynyń bári durys, tek sońǵy memlekettik akt úlgisinde qaıta tirkeýden ótpegen eken. Ony daıyndaýǵa bir jarym, eki aıdaı ýaqyt ketedi. Sodan keıin ol, álbette, eskertkishti ornyna qaıta qoıa alady. Biraq osyndaı eskertkishterdi zerttep kórmegen bizdiń de kinámiz bar, aldaǵy ýaqytta barynsha saq bolamyz», - dedi ol. Túrkistan aýdanynyń Eski Iqan aýylynda bolǵan Stalın eskertkishin demontaj jasaý, ıaǵnı buzyp tastaý oqıǵasy Qazaqstan aýmaǵy ǵana emes, sonymen qatar odan tysqary jerlerde de úlken qozǵalys týǵyzdy. Bıiktigi úsh metrge jetetin Stalın eskertkishi – Qazaqstandaǵy mundaı jalǵyz monýment. Jalpy, qazir kúlli álemde Iosıf Djýgashvılıge ornatylǵan osyndaı bes eskertkish qana bar eken. Esterińizge sala keteıik, Eski Iqanda alpys jyldan beri turyp turǵan bul eskertkish 2006 jyly qatty daýyldan keıin qulap, sol ýaqyttan beri eleýsiz jatqan. Oǵan deıin 60 jyl turǵan eskertkishti taıaýda aýyl aqsaqaldary óz qarajaty esebinen jóndep, qaıta kóterip qoıǵan bolatyn. Baqtııar Taıjan. Derek: egemen.kz. Sýret: otyrar.kz.