Qazaqstan Respýblıkasy Mádenıet jáne sport mınıstrliginiń buıryǵy №30

2014 jylǵy 7 qazan,  Astana qalasy «Qazaqstan Respýblıkasy Mádenıet jáne sport mınıstrliginiń  Din isteri komıteti» respýblıkalyq memlekettik mekemesiniń erejesin bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 29-babynyń 1-tarmaǵynyń 6) tarmaqshasyna, «Qazaqstan Respýblıkasy Mádenıet jáne sport mınıstriliginiń máseleleri» 2014 jylǵy 23 qyrkúıektegi № 1003 Qazaqstan Respýblıkasy Úkimetiniń qaýlysyna sáıkes buıyramyn: 1. Qosa berilip otyrǵan «Qazaqstan Respýblıkasy Mádenıet jáne sport mınıstrliginiń Din isteri komıteti» respýblıkalyq memlekettik mekemesiniń erejesi bekitilsin. 2. Qazaqstan Respýblıkasy Mádenıet jáne sport mınıstrliginiń Din isteri komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń memlekettik tirkelýinen keıin on kúntizbelik kúnniń ishinde buqaralyq aqparat quraldarynda jáne «Ádilet» quqyqtyq-aqparattyq júıesinde resmı jarııalanýǵa joldaýyn; 3) osy buıryqtyń resmı jarııalanǵan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalasýyn qamtamasyz etsin. 3. Osy buıryqtyń oryndalýyna baqylaýdy Qazaqstan Respýblıkasy Mádenıet jáne sport vıse-mınıstri M.A. Ázilhanovqa júktelsin. 4. Osy buıryq onyń alǵash ret resmı jarııalanǵan kúnnen bastap qoldanysqa engiziledi. Mınıstr A.MUHAMEDIULY. Qazaqstan Respýblıkasy Mádenıet jáne sport Mınıstriniń 2014 jylǵy 7 qazandaǵy №30 buıryǵymen bekitilgen «Qazaqstan Respýblıkasy Mádenıet jáne sport mınıstrliginiń Din isteri komıteti» memlekettik mekemesiniń erejesi 1. Jalpy erejeler 1. Qazaqstan Respýblıkasy Mádenıet jáne sport mınıstrliginiń Din isteri komıteti (budan ári – Komıtet) Qazaqstan Respýblıkasy Mádenıet jáne sport mınıstrliginiń (budan ári – Mınıstrlik) dinı qyzmet salasyndaǵy retteýdi júzege asyratyn vedomstvosy bolyp tabylady. 2. Komıtet óz qyzmetin Qazaqstan Respýblıkasynyń Konstıtýsııasyna, Qazaqstan Respýblıkasynyń zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrady. 3. Komıtet memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar, mórleri men mórtańbalary, belgilengen úlgidegi blankileri, Qazaqstan Respýblıkasynyń zańnamasyna sáıkes qazynashylyq organdarynda shottary bolady. 4. Komıtet óz atynan azamattyq-quqyqtyq qatynastarǵa túsedi. 5. Komıtet zańnamaǵa sáıkes ýákilettiligi bolǵan jaǵdaıda, memleket atynan azamattyq-quqyqtyq qatynastardyń tarapy retinde kórinýge quqyly. 6. Komıtet, óz quzyretine jatatyn máseleler boıynsha zańnamada belgilengen tártippen Komıtet tóraǵasynyń buıryqtarymen rásimdeletin sheshimder qabyldaıdy. 7. Komıtettiń qurylymy men shtat sany Qazaqstan Respýblıkasynyń Mádenıet jáne sport mınıstriniń kelisimi arqyly Mınıstrliktiń Jaýapty hatshysymen bekitiledi. 8. Komıtettiń ornalasqan jeri: 010000, Astana qalasy, Esil aýdany, Orynbor kóshesi, 8-úı, «Mınıstrlikter úıi» ǵımaraty, № 15 kireberis. 9. Komıtettiń tolyq ataýy - «Qazaqstan Respýblıkasy Mádenıet jáne sport mınıstrliginiń Din isteri komıteti» memlekettik mekemesi. 10. Osy Ereje Komıtettiń quryltaı qujaty bolyp tabylady. 11. Komıtet qyzmetin qarjylandyrý respýblıkalyq bıýdjetten júzege asyrylady. 12. Komıtetke óz fýnksııalary bolyp tabylatyn mindetterdi oryndaý turǵysynan kásipkerlik sýbektilerimen kelisim-sharttyq qatynastarǵa túsýge tyıym salynady. 13. Komıtetke zańnamalyq aktilermen kirister ákeletin qyzmetti júzege asyrý quqyǵy berilgen jaǵdaıda, onda osyndaı qyzmetten alynǵan kirister respýblıkalyq bıýdjettiń kirisine jiberiledi. 2. Komıtettiń negizgi mindetteri, fýnksııalary, quqyqtary men mindetteri 14. Mindetteri: 1) dinı qyzmet jáne dinı birlestiktermen ózara is-qımyl salasyndaǵy memlekettik saıasatty qalyptastyrý jáne iske asyrý boıynsha usynystar ázirleý; 2) Qazaqstan Respýblıkasynyń zańnamamen Komıtetke júktelgen ózge de mindetterdi júzege asyrý. 15. Fýnksııalary: 1) dinı qyzmet jáne dinı birlestiktermen ózara is-qımyl salasyndaǵy memlekettik saıasattyń negizgi baǵyttaryn iske asyrýǵa qatysady; 2) dinı ahýaldyń damýyna taldaý jasaıdy, Qazaqstan Respýblıkasy aýmaǵynda qurylǵan din birlestikterdiń, mıssıonerler men rýhanı (dinı) bilim berý uıymdarynyń qyzmetine zertteý men taldaý júrgizedi; 3) óz quzyretine qatysty máseleler boıynsha túsindirý jumystaryn júzege asyrylýyn qamtamasyz etedi; 4) óz quzyretine qatysty máseleler boıynsha aqparattyq-nasıhat jumystaryn júzege asyrady; 5) dintaný saraptamalaryn júrgizýdi qamtamasyz etedi; 6) Respýblıka aýmaǵyndaǵy sheteldik dinı birlestikterdiń qyzmet etýine, sheteldik dinı ortalyqtardyń Qazaqstan Respýblıkasyndaǵy dinı birlestikterdiń basshylaryn taǵaıyndaýǵa kelisim beredi; 7) dinı qyzmet salasynda shet memleketterdiń ýákiletti orǵandarymen yntymaqtastyq uıymdastyrady jáne júzege asyrady; 8) dinı qyzmet jáne dinı birlestiktermen ózara árekettesý máseleleri boıynsha halyqaralyq yytymaqtastyqty júzege asyrady, sonymen qatar dinı qyzmet salasynda halyqaralyq kelisimder, memorandýmdar men sharttar ázirleıdi; 9) dinı qyzmet jáne dinı birlestiktermen árekettestik máseleleri boıynsha oblystardyń, respýblıkalyq mańyzy bar qalanyń jáne astananyń jergilikti atqarýshy organdarynyń qyzmetin úılestiredi; 10) dinı qyzmet salasyndaǵy jergilikti atqarýshy organdardy ádistemelik jetekshilik etýdi júzege asyrady; 11) óz quzyreti sheginde dinı qyzmet salasyndaǵy normatıvtik quqyqtyq aktilerdi ázirleıdi jáne ázirleýge qatysady; 12) dinı qyzmet jáne dinı birlestiktermen ózara árekettesý máseleleri boıynsha strategııalyq jáne baǵdarlamalalyq qujattardy ázirleýge qatysady; 13) jeke jáne zańdy tulǵalardyń Qazaqstan Respýblıkasynyń dinı qyzmet jáne dinı birlestikter týraly zańnamasy buzýshylyqtarǵa qatysty ótinishterin qaraıdy; 14) Qazaqstan Respýblıkasynyń dinı qyzmet salasyndaǵy zańnamasyn buzatyn jeke jáne zańdy tulǵalardyń, onyń ishinde dinı birlestikterdiń qyzmetine tyıym salý jóninde usynystar engizedi; 15) zańnamada belgilengen jaǵdaılar men tártipte ákimshilik quqyq buzýshylyqtar týraly hattamalardy toltyrady; 16) óz quzyreti sheginde ekstremızmniń aldyn alýǵa baǵyttalǵan profılaktıkalyq sharalardy, terrorızmge qarsy is-qımyldy júzege asyrady; 17) óz quzyreti sheginde ulttyq qaýipsizdik júıesin jetildirý boıynsha usynystar engizý, sondaı-aq ulttyq qaýipsizdik salasyndaǵy zańdar men ózge de normatıvtik quqyqtyq aktilerdiń saqtalýyn qamtamasyz etý; 18) Komıtet óz quzyreti sheginde memlekettik qyzmet kórsetý barysynda tutynýshylar quqyqtarynyń qorǵalýyn qamtamasyz etedi; 19) Komıtettiń kadrlyq saıasatynda genderlik teńdik qaǵıdasynyń saqtalýyn qamtamasyz etedi; 20) zańnamamen bekitilgen tártipte dinı qyzmet salasyndaǵy normatıvtik quqyqtyq aktilerge quqyqtyq monıtorıng júrgizedi; 21) Qazaqstan Respýblıkasy Mádenıet jáne sport mınıstrliginiń «Mádenıetter men dinderdiń halyqaralyq ortalyǵy» respýblıkalyq memlekettik mekemesiniń; Qazaqstan Respýblıkasy Mádenıet jáne sport mınıstrliginiń «Din máseleleri jónindegi ǵylymı-zertteý jáne taldaý ortalyǵy» respýblıkalyq memlekettik mekemesiniń qyzmetin úılestiredi; 22) Qazaqstan Respýblıkasy zańnamasymen bekitilgen basqa da fýnksııalardy júzege asyrady. 16. Quqyqtary men mindetteri: 1) Komıtet quzyreti sheginde is-sharalardy uyımdastyrý jáne ótkizý; 2) Komıtet janynan konsýltatıvtik-keńesshi organdardy qurý; 3) memlekettik organdardan, uıymdardan, olardyń laýazymdy adamdarynan zańnamada belgilengen tártippen qajetti aqparatty jáne materıaldy suratý jáne alý; 4) Komıtetke berilgen múlikti basqarýdy júzege asyrý; 5) Qazaqstan Respýblıkasynyń zańnamasyn saqtaý; 6) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrý. 3. Komıtet qyzmetin uıymdastyrý 17. Komıtetke basshylyqty Komıtetke júktelgen mindetterdiń oryndalýyna jáne onyń fýnksııalaryn júzege asyrýǵa derbes jaýapty bolatyn Tóraǵa júzege asyrady. 18. Komıtet tóraǵasyn Qazaqstan Respýblıkasynyń zańnamasynda bekitilgen tártippen Qazaqstan Respýblıkasy Mádenıet jáne sport Mınıstri qyzmetke taǵaıyndaıdy jáne qyzmetten bosatady. 19. Tóraǵanyń Qazaqstan Respýblıkasynyń zańnamasyna sáıkes Mınıstrliktiń Jaýapty hatshysymen qyzmetke taǵaıyndalatyn jáne qyzmetten bosatylatyn orynbasarlary bolady. 20. Komıtet Tóraǵasy: 1) Mınıstrliktiń Jaýapty hatshysyna Komıtettiń qurylymy men shtat sany boıynsha usynystar beredi; 2) óz orynbasarlarynyń ókilettikterin belgileıdi, Komıtettiń qurylymdyq bólimsheleri týraly erejeni, qurylymdyq bólimshelerdiń laýazymdyq qyzmet nusqaýlyǵyn bekitedi; 3) zańnamada bekitilgen tártipte Komıtet qyzmetkerlerin laýazymǵa taǵaıyndaıdy jáne bosatady, sondaı-aq olardy yntalandyrady jáne tártiptik jaýapkershilikke tartady (Komıtet Tóraǵasynyń orynbasarlarynan basqa); 4) Mınıstrliktiń Jaýapty hatshysyna Komıtet Tóraǵasynyń orynbasarlaryn taǵaıyndaý men qyzmetten bosatý týraly, sondaı-aq olardy yntalandyrý jáne tártiptik jaýaptylyqqa tartý týraly usynymdar engizedi; 5) Qazaqstan Respýblıkasy zańymen belgilengen tártipte Komıtet qyzmetkerlerin issaparǵa jiberý, eńbek demalysyn berý, materıaldyq kómek korsetý, daıyndaý (qaıta daıarlaý), biliktilikti arttyrý, ústeme tóleý jáne syılyq aqy berý máselelerin sheshedi; 6) óz quzyreti sheginde Komıtettiń, buıryqtaryna kol qoıady; 7) Komıtette sybaılas jemqorlyq quqyq buzýshylyqtarǵa qarsy is-qımyl jasaýǵa baǵyttalǵan sharalardy qabyldaıdy jáne sybaılas jemqorlyqqa qarsy sharalar qabyldaýǵa derbes jaýapty bolady; 8) Qazaqstan Respýblıkasynyń zańnamasyna sáıkes Komıtetti barlyq memlekettik organdarda jáne ózge uıymdarda bildiredi; 9) óz quzyretine jatatyn basqa da máseleler boıynsha sheshimder qabyldaıdy. 21. Komıtet Tóraǵasynyń orynbasarlary: 1) óz ókilettikteri sheginde Komıtettiń qyzmetin úılestiredi; 2) Komıtet basshysy belgilegen ózge de fýnksııalardy júzege asyrady. 22. Komıtet Tóraǵasy bolmaǵan kezeńde Komıtet qyzmetine jalpy basshylyqty orynbasarlardyń biri júzege asyrady jáne Komıtetke júktelgen mindetterdi oryndaýǵa jáne óz fýnksııalaryn. júzege asyrýǵa derbes jaýapkershilik júkteledi; 23. Komıtet qyzmetin uıymdastyrýdyń basqa máseleleri Qazaqstan Respýblıkasynyń normatıvtik quqyqtyq aktilerimen, Mınıstrliktiń jáne Komıtettiń buıryqtarymen retteledi. 4. Komıtettiń múlki 24. Komıtettiń jedel basqarý quqyǵyndaǵy oqshaýlanǵan múlki bolady. Komıtettiń múlki oǵan menshik ıesi bergen múlik, sondaı-aq óz qyzmeti nátıjesinde satyp alynǵan múlik (aqshalaı kiristerdi qosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózder esebinen qalyptastyrylady. 25. Komıtetke bekitilgen múlik respýblıkalyq menshikke jatady. 26. Eger zańnamada ózgeshe kózdelmese, Komıtettiń, ózine bekitilgen múlikti jáne qarjylandyrý jospary boıynsha ózine bólingen qarajat esebinen satyp alynǵan múlikti óz betimen ıelikten shyǵarýǵa nemese oǵan ózgedeı tásilmen bılik etýge quqyǵy joq. 5. Komıtetti qaıta uıymdastyrý jáne taratý 27. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2014 jylǵy 15 qazanda Normatıvtik quqyqtyq kesimderdi memlekettik tirkeýdiń tizilimine №9804 bolyp engizildi.