Úlken Altyn medalmen marapattaldy

Aldyńǵy kúni Máskeýde Qa­zaqstannyń Reseıdegi elshiliginde Qazaqstan Respýblıkasynyń Prezıdenti N.Á.Nazarbaevty álem­dik ekonomıkanyń damýyna, tarıhı mańyzdy bastama­lary men ıntegrasııalyq úderis­terdiń qalyptasýy jáne ony je­tildirý salasyndaǵy joǵary jetistikteri, Eýrazııa eko­nomıkalyq odaqtyń damýy, Reseı Federasııasy men Qazaqstan Respýblıkasy ara­syndaǵy ekonomıkalyq, ǵylymı, mádenı baılanystardy nyǵaıtýǵa qosqan úlesi jáne belsendi qoǵamdyq qyzmeti úshin ekonomıkalyq qoǵamdastyqtyń Úlken Altyn medalimen marapattaý rásimi ótti. Nagradany tabys etken Erkin ekonomıkalyq qo­ǵam­dastyqtyń basshysy, ataqty ekonomıst, Máskeýdiń 1991-1992 jyldardaǵy ákimi Gavrııl Popov óz sózinde Nur­sultan Nazarbaev Reseı­diń EEQ Úlken Altyn meda­li­men marapattalǵan tuńǵysh she­teldik azamat ekenin aıtty. – Osy nagradamen mara­pattaý týraly sheshimdi qa­byldaǵanda, biz, birinshiden Nursultan Nazarbaevtyń qazirgi zamanǵy ekono­mı­ka­lyq úderisterdiń damýyna qosqan úlesin esepke aldyq. Nursultan Ábishuly ındýs­trıaldy qoǵamnan ındýs­trıaldy damyǵan qoǵamǵa kóshýdiń problemalaryna teorııalyq negizdeme bergen birinshi iri saıasatkerleriniń qataryna kiredi. Ekinshiden, Qazaqstan Prezıdenti dúnıe­jú­zilik qoǵamdastyq bir aımaq­ty emes, kerisinshe bir bi­ri­men beıbit ári tyǵyz baı­la­nysta bolǵan kóptegen qo­ǵam­dastyqtardan qalyp­tasqany jón degen túsi­niktiń paıda bolýyna mańyz­dy úles qosty. Qazirgi kezde barlyǵymyz onyń jobasy boıynsha qurylǵan Eýra­zııa ekonomıkalyq odaǵyna kýá bolyp otyrmyz. Úshin­shi sebep, ol qazirgi qoǵam­da bolyp jatqan ishki uıym­dastyrý úderisterimen baıla­nystylyqta. Tórtin­shiden, Reseı jáne Qazaqstan arasyndaǵy ynty­maqtastyqtyń turaqty damýyna jáne nyǵaıýyna Nur­sultan Nazarbaevtyń jeke qosqan eleýli úlesin erekshe atap ótkim keledi, – dedi Reseı akademıgi. О́z kezeginde, medaldi qa­byl­daǵan Qazaqstan Res­pýb­lı­kasynyń Reseı Fede­ra­sııa­­syndaǵy Tótenshe jáne óki­­letti elshisi Marat Tájın Gav­­rııl Popovqa el Prezı­den­ti­niń ekonomıka ǵylymyndaǵy qyzmetine joǵary baǵa bergeni úshin alǵysyn aıtty. «Búgingi marapat jaı qurmet kórsetý ǵana emes, bul Nursultan Ábish­uly Nazarbaevtyń eýra­zııalyq dıalogtyń nyǵaıýyna, Reseımen tatý kórshiles qaty­nastardyń damýyna qosqan asa zor ǵylymı jáne táji­rıbelik úlesin moıyndaý belgisi bolyp esepteledi», – dedi elshi. «Egemen-aqparat».