NUR TARATQAN NAR TULǴA

Memlekettik ma­ńyzdy máselelerdi, úlken qala­lar­dyń eńsesin kóterýdi qatar nazarda ustaǵan Prezıdent óńirlerdegi jaǵ­daı­dy esh ýaqytta umyt qaldyrmady. Qol­daýmen qatar qatań talaptar qoı­dy. Búginde órkenıetti el­der baǵy­tyna qaraı qadam basyp, damý qar­qynyn qamshylaı túsken Qa­zaq­stan­dy, sarabdal saıasatymen kúl­li dúnıeniń nazaryn aýdarǵan El­basy N.Nazar­baevty bilmeıtin­der kemde-kem. Bıyldyń ózinde ózge memleketterde biz­diń Prezı­dentke arnalyp es­kert­kish orna­tyldy, kó­shege, mektepke aty berildi, taǵy-taǵy ystyq yqy­las­tar kórsetilip jatyr. Qazaq eliniń mańdaıyna baq bolyp bitken tól perzentin bas­qa­lar tóbesine kó­terip, qadirlep jat­qanda, kósh­bas­shy­myzdyń ıgi bas­ta­malaryn qol­dap-qýattap, ju­myl­ǵan ju­dyryqtaı birligimizdi ta­nyta bil­mesek, eldigimizge, er ústinde júr­­gen azamattyǵymyzǵa syn emes pe? Úlken memlekettiń tizginin bul­taq­tatpaı myǵym ustap, qıyn máselelerdi kóregendikpen qıystyra sheship otyrǵan Memleket bas­shy­sy­nyń batyldyǵy men baıqampazdyǵy  súısindiredi. Elbasy tapsyrǵan min­detterdi mańdaı terimdi tóge jú­rip, kóppen birge júzege asyrýǵa ba­rymdy salamyn. Basshy bolý bas­qa­dan bólektený, bıik mansapqa qol jet­kizý emes, kerisinshe, qara­pa­ıym ha­lyqpen etene jaqyndasý, mu­ńyn tyń­dap, syryn uǵý, synyn qa­byl­daý. El taǵdyryna aralasyp, atqa mingen sanaly ǵumyrymda el basqarý jaıly ońdy pikir qalyptastyrsam, ilgeri batyl qadam jasaýǵa úırensem, munyń barlyǵy Elbasymyzdyń ula­ǵatty ómir jolynan sabaq alýymnyń áserinen boldy dep bilemin. Jetisý jeriniń kórkem bir bu­ry­shy – shaǵyn ǵana Tekeli qalasy da qaı­ta qurýdyń qarmaǵyna túsip, tirligi qaý­saǵan sátte Memleket basshysy nusqaǵan baǵytty betke ala otyryp, qanatyn qaıta qomdady. Memlekettik ma­ńyzdy máselelerdi, úlken qala­lar­dyń eńsesin kóterýdi qatar nazarda ustaǵan Prezıdent óńirlerdegi jaǵ­daı­dy esh ýaqytta umyt qaldyrmady. Qol­daýmen qatar qatań talaptar qoı­dy. Sonyń arqasynda búginde Tekeli qalasynyń tasy órge domalap, halyq sany da kóbeıip, tirligi túzeldi. Osy qalanyń basshylyǵy qyzmetine 2005 jyldan bastap kirisip, Elbasy saıa­sat­ynyń sorabyna tereńdep boıla­dyq. Naǵyz damý úderisiniń ekpinimen jáne el men Elbasy aldyndaǵy asqan jaýap­ker­shilikti umytpaı, qalanyń kóriktene tús­ken kelbetine, turǵyn­dar­dyń tutas­tyq­pen týra joldan taımaǵan tir­shiligine súısine júrip, ýa­qyttyń qalaı ótkenin de baıqamaı qalǵandaımyz. Barlyq istiń baǵyt silter baǵdar­sha­my retinde Elbasymyzdyń dás­túrli halyqqa Joldaýy ıgi bas­ta­ma­lar­dyń uıytqysy bolýda. Daǵ­da­rys­tyń batpan júgin halyqtyń ıyǵyna ba­tyrmaýǵa baǵyttalǵan úkimettik baǵ­dar­lama – “Jol kartasy” qala­myz­dyń áleýmettik áleýetin kóterýge úlken septigin tıgizdi. Bıylǵy “Bız­nes­­tiń jol kartasy-2020” baǵ­dar­la­ma­synyń da shaǵyn jáne orta bıznestiń tynysyn keńeıtýge yqpaly zor bol­maq. Sońǵy jyl­darda jurt­shy­lyq­ty qýantqan qabyrǵaly isterdiń qata­ryn­da Taldyqorǵan-Tekeli tas jo­lynyń keńeıtilýi bar. Al Tekeli qa­lalyq “Green House – Zelenyı dom” JShS jylyjaı keshenine qosymsha 3,65 ga qurylys júrgizý jobasy Qazaqstan Respýblıkasynyń 2010-2014 jyldarǵa arnalǵan ındýs­trııa­lyq-ınnovasııalyq damýynyń mem­lekettik baǵdarlamasy sheńberinde jú­zege asyrylatyn jobalardyń qata­ryna iligýi daǵdarystyń qıyndyǵyna shy­das berip, jańa damý satysyna kóterilýdi kózdegen keshenge tyń ek­pin berip otyr. Qazirgi ýaqytta gol­lan­dııalyq tásilmen raýshan gúlderin ósiretin jylyjaıdy aldaǵy ýaqytta kókónis ósirý úshin keńeıtýge “Qaz­agro­qarjy” qoldaý kórsetti. Jalpy, qa­ladaǵy ónerkásip oryndary ar­na­synyń keńeıýi jańa ekonomıkalyq órleýdiń ómirsheń órnegi ekeni málim. Má­selen, Tekelide shyǵarylatyn már­­már untaǵy, jol jıegine tó­se­le­tin taqtatas, kirpish tek óz q­a­la­myz­dyń qajettiligin qamtamasyz etip qana qoımaı, basqa óńirlerdiń de qu­rylysy men jóndeý jumystaryna paıdalanylýda. Jaqyn bolashaqta osy sekildi ishki ónimderimizdiń sapa­sy men kólemi arttyrylyp, “Qazaq­stan­da jasalǵan” degen belgimen shet elge shyǵyp jatsa, nur ústine nur bolar edi. Qalaı bolǵanda da, biz mańdaı túzer baǵytymyzdy aıqyndap aldyq. Nursultan Ábishuly Nazarbaevtyń “Qazaqstan-2030” strategııalyq damý jospary júrer jolymyzdy jaryq­tan­dyryp qana qoıǵan joq, aıby­ny­myzǵa aıbyn qosyp, jigerimizdi ja­ny­dy, namysymyzdy qaırady. Pre­zı­denttiń ár jyldardaǵy halyqqa jol­daýlary naqty mindetter júktep, eko­nomıkany kóterý, halyqtyń ál-aý­qatyn eseleý, eldi órkenıetter kó­shine qaraı órletýdiń aıqyn qoz­ǵaý­shysy bolyp keledi. Elbasynyń kó­re­­gen saıasaty, keshegi álemdi dúr­lik­tirgen daǵdarys kezindegi kemeńger usy­nystary qazaq memleketiniń me­reıin asyryp, ishki turaqtylyqty ǵana qamtamasyz etken joq, sonymen qatar, qaý­qar­ly, damyǵan elderdiń de bıik ba­ǵasyna ıe bolyp, baǵdaryna aınaldy. Táýelsizdigimizdiń eń bir táýe­kel­shil qadamy, Elbasymyzdyń mańyzdy strategııalyq sheshimi el astanasyn Saryarqanyń tósine kóshirip, jańa Astana salý ıdeıasy edi. Tap sol mezette munyń aqyry ne bolar eken degen senimsizdik pen sekemshildik oıymyzdy bıledi. Biraq ýaqyt óte kele Astana­myz­dyń qanatyn keńge jaıa bastaǵan, egemendi elimizdiń naǵyz elor­dasyna laıyq sıpatta boı túze­gen qalybyna kóz jibere otyryp, Nur­sultan Ábishulynyń taǵy bir kóre­gen, kózdegenin iske asyratyn maq­satkerlik qasıetine tánti boldyq. Qazir Astanany tek ózimiz ǵana maq­tan tutyp, onyń kún sanap reńdenip kele jatqan kórikti kel­be­tine, erekshe órnekpen boı kó­tergen ǵıma­rat­ta­ryna tańdaı qaǵyp, tańyrqamaımyz, basqa memleketterdiń de Qazaq eliniń bas qalasyna degen qyzyǵýshylyǵy basym, bálkim, keıbireýler qyzǵa­nyshpen de qaraıtyn bolar. Astananyń alǵashqy qarlyǵash qanat qaıtalanbas jobalarynyń biri “Báı­terek” beıbitshiligimizdiń, bere­ke-birligimizdiń belgisine, elor­da­myz­dyń bitimi bólek sımvolyna aınaldy. Bá­týaly ustanymǵa kelý úshin álem­niń ár baǵyttaǵy dinbasylaryn tó­rine jınaǵan “Beıbitshilik pen ke­lisim saraıy” jalpaq ǵalamnyń ǵa­la­matyn boıyna jınap, jan-jaǵyna nur taratyp turǵan jumaqty mek­en­deı áser qaldyrady. Ja­qynda ǵana tu­saýy kesilgen zamanaýı teh­­no­lo­gııanyń jańa jetistikteriniń jemisi Na­zarbaev ýnıversıteti bilimdi ur­paq­tyń biliktiligin arttyryp, ilim-ǵy­lymnyń besiginde terbetetin, bolashaq el tutqasyn ustaıtyn batyr tul­ǵa­lardy tárbıelep shyǵaratyn qa­zy­naly qara shańyraq atanaryna senim kámil. Aıta bersek, Astana­myz­dyń aýyz toltyryp maqtanyshpen aıt­atyn qyrlary kóp, bas qa­la­myzdyń qalyptasý tarıhynda El­­ba­synyń izgilikke toly aıshyqty iz­deri saırap jatyr, álemdik naqysh pen ult­tyq boıaýǵa qanyq qoltańbasy qaldy. Qazaqstan qalyptasý synynan aman-esen, tipti orasan jetis­tik­ter­men ótip, damýdyń dańǵyl jolyna tústi. Enshilerin birge bólektegen TMD elderi arasynda Qazaq eli terezesi teń, keregesi keń, tútini túzý ushyp, aıdaı álemge tegeýrindi, kele­shegi zor memleket retinde tanyldy. Qabyrǵaly memleket­terdiń kópshiligi Qazaqstandy moıyndady, Nursultan Nazar­baevtyń salıqaly saıasat­ker­ligine súısindi. Bıyl Qazaqstan Eýro­pa­daǵy qaýipsizdik jáne yn­tymaq­tas­tyq uıymynyń tizginin ustaǵanda jan-jaqtan qaýmalaǵan úmit pen senim jaýapkershilik júgin salmaq­tan­dyra tústi. Álemdegi damyǵan demo­kratııalyq, quqyqtyq memle­ket­terdiń, órkenıetti elderdiń qataryna kirýge múmkindigimizdi arttyrýǵa sep bol­ǵan úlken Uıymǵa tóraǵalyq etý el mereıin ústemeledi. Qazaqstannyń tóbebılik jasaý kezeńi asa kúrdeli bolyp otyrǵany barshamyzǵa málim. Osyndaı jaǵ­daıda EQYU-nyń memleket bas­shylary deńgeıindegi Sammıtin ótkizýge qol jetkizý aıyryqsha tabys bolsa kerek. Keń baıtaq elimizdiń qaı túkpirinde qyzmet istesek te, maqsatymyz bir, tilegimiz ortaq, sondyqtan árdaıym halqymyzdyń baǵy basym, jarqyn bolashaqqa bastaǵan kóshbas­sh­y­myz­dyń abyroıy bıik bolary lázim. О́r­ke­nıetter kóshiniń óreli jolaýshysy re­tinde qazaq eliniń juldyzy jar­qy­rap, Jaratqan ıem el basshysyna meıirimin tógip, irgemizdi tynysh, birligimizdi berik etýge jazsyn! Serikjan BESKEMPIROV, Tekeli qalasynyń ákimi. Almaty oblysy.