Qapparov ómiriniń sońǵy sátteri týraly tyń derekter aıtyldy

ASTANA. 31 naýryz. «Qazatomónerkásip» UAK» AQ-tyń burynǵy basqarma tóraǵasy Nurlan Qapparov ómiriniń eń sońǵy mınýttary jóninde tyń derekter paıda boldy. Bul týraly newsstop.kz habarlady. Habarlamada kórsetilgendeı, Nurlan Qapparov 26 naýryzda Beıjińge Dýbaıdan kelgen. Ony kompanııanyń Beıjińdegi ókildiginiń dırektory Ashyqbaev pen Beısenov degen azamattar qarsy alǵan. Sodan keıin olar túski astaryn ishýge «Szınbao» restoranyna barady. N.Qapparov dastarhan basyna otyrmas buryn ájethanaǵa betteıdi. Sol sátterde júregi qysylǵan ony meıramhananyń tehnıkalyq qyzmetkerleri baıqap qalady da, jalma-jan medısınalyq kómek shaqyrady. Dárigerler oǵan  júrek kardıogrammasyn jasaıdy. Olar N.Qapparovtyń júregi toqtap qalǵanyn habarlaıdy. Júrekke massaj jasaǵanymen, ońdy nátıje bolmaǵan. Ol saǵat 14.33-te aımaqtaǵy Chaoıang emhanasyna jetkiziledi. О́kinishke qaraı, osy emhanada marqumnyń 14.50-de qaza bolǵany habarlanǵan. Aıta keteıik, Qapparov shetelge jumys saparymen shyqqanda jeke kúzetsiz júre beredi eken. Joldybaı Bazar. Derek, sýret: newsstop.kz.