Parlament

El arasynda Parlament Senatynyń depýtattary Rashıt Ákimov pen Jabal Erǵalıev Aqmola oblysynyń Eńbekshilder aýdandyq máslıhatynyń kezekti 41-sessııasyna qatysty, dep habarlady palatanyń baspasóz qyzmeti. Sessııada aýdan ákimi A.Qıy­qov Qazaqstan Prezıdenti N.Á.Nazarbaevtyń «Nurly Jol – bolashaqqa bastar jol» Joldaýyn iske asyrý jónindegi atqarylǵan jumystar týraly aıtyp berdi. Ol, sondaı-aq,  jyl basynan beri 6049,9 mıllıon teńgeniń ónimderi óndirilgeni jóninde habardar etti. О́tken jylmen salystyrǵanda ónim óndirý 5,2 paıyz óskeni, óndiris kóleminiń ındeksi 107,2 paıyzǵa jetkeni atap ótildi. Aýyl sharýashylyǵy ónimderin óndirý 32,9 paıyzǵa artty. Aýdan­da Indýstrııalandyrý kartasy bo­ıynsha jumystar júrgizilip jatyr. Al Senat depýtaty Jabal Er­ǵalıev «bes ınstıtýttyq reformany iske asyrý jónindegi «100 naqty qadam» baǵdarlamasynyń basty máselelerine toqtaldy. Elimizdiń Dúnıejúzilik saýda uıymyna enýiniń artyqshylyqtary jáne zeınetaqymen qamtamasyz etý týraly zańnamany jetildirý jóninde atqarylǵan isterge toqtaldy. Senatorlar oqý-óndiristik kom­­­bınatynda boldy jáne onda jylý júıesiniń qysqy maýsymǵa ázirligimen tanysty. *  *  * Senat depýtattary Murat Baqtııaruly men Bekmyrza Elamanov jáne Májilis depýtaty Almas Turtaev Qyzylorda oblysynda turǵyndarmen kezdesti. Kezdesý barysynda Murat Baq­tııaruly 2015-2017 jyldarǵa arnalǵan respýblıkalyq bıýdjet týraly zańnyń qabyldanǵanyn, álem boıynsha munaı baǵasynyń tómendeýine baılanysty bıýdjet kóleminiń kemigenin atap ót­­ti. Sondaı-aq, «Nurly Jol» baǵ­­darlamasy arqyly Ulttyq qordan qarjy alynyp, barlyq áleýmettik kepildikterdiń saq­ta­lyp otyrǵanyn jetkizdi. Al Bekmyrza Elamanov elimizde kásipkerlikti qoldaýǵa baılanys­ty biraz zańdarǵa ózgerister engi­zi­­letinine, sharýashylyq sýb­ek­­tileri kólik salyǵynan bo­sa­tylatynyna toqtaldy. So­ny­men qatar, Dúnıejúzilik saý­­da uıymyna kirgende aýyl sha­r­ýa­shylyǵyn sýbsıdııalaýdy 5-6 jyl­ǵa deıin qysqartpaýǵa ruqsat alynǵanyn atady. Senatorlar oblysqa sapa­ry ba­rysynda Jańaqorǵan aýda­nyn­daǵy birqatar nysandardy aralap kórdi. Odan keıin aýdandyq más­­lıhat depýtattarymen, bólim bas­shylarymen júzdesti. Aýdan ákimdiginde ótken kezdesýdi aýdan ákimi Rýslan Rústemov júrgizdi. Depýtattar Elbasy N.Nazarbaev usynǵan bes ınstıtýttyq reforma jáne ony júzege asyrý jónindegi «100 naqty qadam» – Ult josparyn jan-jaqty túsindirdi. – Prezıdent jarııalaǵan «Ult jospary» – elimizdiń damý joly aı­­­­qyndalǵan tarıhı qujat. Aldaǵy jyldary atqarar mindetterdiń negizgi baǵyty. Memleket mejesi – bá­sekege qabiletti otyzdyqqa ený. Árbir qadam qoǵam ómirindegi ma­ńyzdy salany qamtyǵan. Endigi kezek sol mindetterdi júzege asy­rýǵa jumys isteý, – dedi Bek­myrza Elamanov.