Astanada tóbelesken qyzdarǵa 10 mln. teńge aıyppul salynýy múmkin

ASTANA. 1 shilde. Buǵan deıin ǵalamtorda Astanadaǵy «Shapaǵat» saýda ortalyǵy mańynda qyzdardyń tóbeleskeni týraly vıdeo jarııalanǵan bolatyn. Taksıge talasyp, bir-biriniń shashyn julǵan bıkeshterdiń bul áreketi tıisti oryndardyń da nazaryn aýdardy. Endi aıdyń, kúnniń amanynda jaǵa jyrtysqan qyzdar iri mólsherde aıyppul tóleýi nemese túrmege qamalýy múmkin. Bul týraly KTK telearnasy habarlady. Oqıǵa tańǵy saǵat besterdiń shamasynda bolǵan. Bazar mańyndaǵy kafelerdiń birinen toılatyp shyqqan boıjetkenderdiń tórteýi de ýdaı mas. Súrinip-qabynyp, qulap jatsa da erkektershe bir-birin aıaýsyz tepkilegen olardyń tóbelesin kýágerlerdiń biri uıaly telefonyna túsirip alǵan. Oqıǵa ornyna shuǵyl jetken polıseıler tóbeleske qatysýshylardyń bárin bólimshege alyp ketti. Endi olar 10 mıllıon teńge kóleminde aıyppul tóleýi múmkin. Álde, joǵaryda aıtqanymyzdaı, olardy temir tor kútip tur. «Tóbelesken qyzdar Aqmola, Jambyl oblysy jáne Astana qalasynyń turǵyndary. Jastary 23-36-nyń aralyǵynda. Qazirgi kezde sotqa deıingi tekserý júrip jatyr», – deıdi Astana qalalyq ishki ister departamentiniń baspasóz hatshysy Sofııa Qylyshbekova. Elaman Qońyr. Derek: KTK telearnasy. Sýret: news-rossiya.ru.