KELESI KEZDESKENShE, DELFIILIK OIYNDAR!..

Shilde aıynyń 12-16 kúnderi aralyǵynda oblys ortalyǵynda respýblıkalyq VI Delfıılik jastar oıyndary bolyp ótti. Atalmysh jastar merekesi “Nur Otan” halyqtyq-demokratııalyq partııasynyń, Mádenıet, Bilim jáne ǵylym mınıstrlikteriniń, Ulttyq delfıılik komıtettiń qoldaýymen uıymdastyryldy. Senbi kúni saltanatty túrde qorytyndy sharasy ótkizilgen bul oıyndarǵa elimizdiń túkpir-túkpirinen 500-ge jýyq ónerli jas daryndar kelip qatysty. Jalpy, Delfıılik oıyndar degen ne, kópshilik jastarǵa, bylaıǵy qaýymǵa aty ózgesheleý, túsiniksizdeý estiletin osy sózdiń bizdiń elimizge qatysy qansha­lyqty? Sonymen, delfıı degen sóz grektiń kóne tilinen aýdarǵanda “syry tereń”, nemese “syrly” degen maǵynany bildiredi eken. Bizdiń Qazaq eline de kelip jetken ádet-ǵurpy bólek ózge eldiń tarıhy bul oıyndy Apollon batyrdyń atymen baı­lanystyrady. Mine, osy ba­tyryńyz Pıfon degen aıda­hardyń kózin joıyp, jeńiske jetedi.Álgi batyr sol jerde jeńis ánin shyrqaıdy. Ánniń sońy ónerdiń san túrli aspaptarynda jalǵasyp shyrqalady. Bıge ulasady. Apollon batyr jeńiske jetken syry tereń jerdiń aty Delfıı dep atalady eken. Bul b.d.d 582 jyl bolsa kerek. Keıinnen bul oıynǵa tyıym da salynǵan kórinedi. Endi, mine, sońǵy jyldary bul ónerliler saıysy qaıta jańǵyra bastaǵan. Sahnanyń da Grekııanyń stılinde bezendirilip kórinis taýyp turǵany da sondyqtan. Bul oıynnyń bastalý rásiminiń týyn beıneleý óneri nomınasııasy boıynsha birneshe ret júldeger atanǵan oblys ortalyǵyndaǵy №8 mektep-lıseıdiń oqýshysy Álimjan Musa kóterdi. Bul týdyń qatarynan qalyspaı “Birligimiz jarasqan!” dep alaýlaǵan urandar, jalaý­shalar jelbiredi.Osy jerde Delfıılik oıyndardyń qazy-tóreshileri ádiletti oıyndar úshin ant beredi. Bıylǵy ant berý rásimin skrıpka nomınasııasy boıynsha birneshe ret júldeger atanǵan Astana qalasyndaǵy №24 mekteptiń oqýshysy Nazgúl Janazarova aıtty. Jastar ónerin baǵalaıtyn qazylar alqasynyń qatarynda D.Áli (fortepıano), A.Baısaqalov (skrıpka), M.Áı­nekov (beıneleý óneri), S.Qusa­ıynova (qobyz), G.Jolymbetova (estradalyq án salý), O.Dúısen (dombyra), T.Nurkenov (dástúrli án salý) sııaqty taǵy da basqa óner salalarynyń ókilderi boldy. Oblys ortalyǵynda elimizdiń ár jerinen kelgen talantty daryndy ul-qyzdar bir jeti boıy óz óner­lerimen jurtshylyqty, qurby-qurdastaryn tánti etti. Talant­taryn ushtaǵan kishkentaı ónerpazdar ósip kele jatqanynyń kýási boldyq. Oıynnan góri óz tilimizshe, óz uǵymymyzsha aıtqanda, kádimgi óner, dostyq merekesi saltanat qurdy. Degenmen, myńnan tulpar degendeı, ónerliler baıqaýda, saıysta anyqtalady. Syrly áýenmen, syrly únmen osy oıyndarǵa ilese bilgen ónerpazdar baıqaýdyń sońyna deıin qalyp, óner máresine jetti. Sóıtip, juma 16 shilde kúni oblys ortaly­ǵyn­daǵy Estaı atyndaǵy mádenıet saraıynda Delfıılik oıyndar­dyń qorytyndysy shyǵaryldy. Jeńimpazdar anyqtaldy. Elimiz­degi Delfıılik oıyndar komı­tetiniń tóraǵasy Ular Muqaja­novtyń aıtýynsha, bıyl da bul oıyndar óz dárejesinde ótti. Qatysýshylar sany kóp boldy. Jaıaý Musa, Estaı, Maıra sııaqty ánshiler dúnıege kelgen óńirde ónerli ul-qyzdar jetedi. Sondyq­tan da talantty jastardyń kópshiligi óńirdiń atyn shyǵarýǵa atsalysty. Mysaly, baıanda quıqyl­jytyp án oryndaǵan Mádı Botagóz atyna zaty saı bolyp birinshi oryn ıelense, Alma M­e­ıirhanova qobyzda oınap, Álimjan Musa beıneleý óneri boıynsha jeńimpazdar atandy. Sonymen qatar, ulttyq óner kórmesi de uıymdastyryldy. Munda kóbinese Ońtústik Qazaq­stan oblysynan kelgen jas­tardyń ulttyq qolóner eńbekteri qoıyldy. Elimizdiń Bilim jáne ǵylym mınıstrligi jastar saıasaty jáne tárbıe jumysy departamentiniń dırektory Qojahmet Mádırdiń aıtýynsha, óner baıqaýyna qa­tysqan jeńimpaz ónerpazdar ónerdiń ár salasy boıynsha endi álemdik deńgeıde el namysyn qorǵaıdy eken. Iаnı, birinshi oryndy ıelengen ónerpazdar Halyqaralyq delfıılik oıyn­darǵa qatysady. Oblys ortalyǵynda ótken osyndaı qyzyqty óner mere­kesiniń sońy qorytyndy gala-konsertke ulasty. О́ner báıge­sin­de talantyn kópke tanyta bilgen jas ánshi-bıshiler bıikten kórindi. Farıda BYQAI, PAVLODAR. Sýretterdi túsirgen V.Býgaev.