26 aqpanda Ortalyq saılaý komıssııasy bekitken kúntizbelik josparǵa saı 2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýynda kandıdattardy usyný bastaldy.
2 naýryzda Asqar Jorabaıuly Syrǵabaev ózin ózi usyný tártibimen óz kandıdatýrasyn usyný týraly Qazaqstan Respýblıkasy Ortalyq saılaý komıssııasyna ótinish berdi.
3 naýryzda, sondaı-aq, ózin ózi usyný tártibimen Safıolla Qalabaıuly Aldajanov, Lımana Qoıshıeva, Baqyt Tólegenuly Abdýkarımov jáne Sýhrab Amınjanuly Myrzashov óz kandıdatýralaryn usyndy.
Osylaısha, qazirgi sátte saılaý naýqany barysynda bes úmitker usynyldy. Olardyń bireýi – áıel. «Qazaqstan Respýblıkasyndaǵy saılaý týraly» Konstıtýsııalyq zańnyń 54-baby 2-tarmaǵyna saı prezıdenttikke kandıdattyń Konstıtýsııa men «Qazaqstan Respýblıkasyndaǵy saılaý týraly» Konstıtýsııalyq zań qoıatyn talaptarǵa sáıkestigin Ortalyq saılaý komıssııasy ózin ózi usyný týraly ótinish berilgen sátten bastap bes kúnniń ishinde anyqtaıdy, dep habarlady Qazaqstan Respýblıkasy Ortalyq saılaý komıssııasynyń baspasóz qyzmeti.
