Saılaý ýchaskeleri tas-túıin daıyn bolýlary tıis

Keshe M.Áýezov atyndaǵy Ońtústik Qazaqstan Memlekettik ýnıversıtetiniń májilis zalynda Ortalyq saılaý komıssııasynyń hatshysy Baqyt Meldeshov oblystyq, aýdandyq jáne qalalyq saılaý komıssııalarynyń tóraǵasy, hatshylarymen kezdesti. Alqaqotan júzdesýdi Ońtústik Qazaqstan oblystyq saılaý komıssııasynyń tóraǵasy Álibek О́mirálıev júrgizip otyrdy. Baqyt Sársenbaıuly óziniń shaǵyn baıandamasynda Ortalyq saılaý ko­mıssııasynyń kezekten tys pre­zı­dent­tik saılaýǵa baılanysty atqaryp jatqan jumystarymen tanystyrdy. Búginge deıin prezıdenttikten úmitker retinde bes azamat tirkelgenin, erteń qarbalastyqqa jol bermeý úshin jumysty búginnen bastap qyzý júrgizý jaıyn aıtty. Oblystyq, qalalyq, aýdandyq saılaý ýchaskelerinde jumys­qa tyńǵylyq­ty qaraýdy, saılaýshy­lardyń tizimin muqııat alýdy, saılaý ótetin 26 sáýirde saparda bolatyndary ­bolsa, olardy esepten shyǵaryp, bar­ǵan aýmaǵynda daýys bere alatyndaı kýálikpen qamtamasyz etýdi tap­syrdy. Baqyt Sársenbaıulynyń qadap aıtqany, saılaýshylar tizim boıynsha tolyq túgendelip, daýys berýine barynsha jaǵdaı týǵyzý kerek. Taǵy bir eskertkeni, EQYU ókilderi kelgende saılaý ýchaskeleriniń tóraǵalary kóńil jyqpastyqqa, keńqoltyqqa salyp, qujatyn suramaı, málimet beredi eken. Bul qatelik keıin EQYU ókilderi tarapynan synǵa ushyrap jatady. Álibek О́mirálıev Ońtústiktiń kezekten tys prezıdenttik saılaýǵa saılaý ýchaskeleriniń tolyq daıyn ekendigin baıandady. Ortalyq saılaý komıssııasynyń normatıvtik qujattarǵa, taǵy basqa máselelerge tolyq kómek berip otyrǵany úshin rahmet aıtty. «Bir jaǵadan bas, bir jeńnen qol shyǵaryp, bilek sybanyp saılaýdy tyńǵylyqty ótkizemiz», dep málimdedi. Aýdandyq, qalalyq saılaý ýchaske­leriniń tóraǵalary, hatshylary tarapynan qoıylǵan suraqtarǵa jaýap bergen Baqyt Meldeshov Ońtústiktiń qashanda saılaýda belsendilik tanytatynyn, uıymshyldyǵyn, birligin atap ótti. – Memleket basshysynyń kezekten tys saılaý ótkizý týraly Jarlyǵynan keıin Ortalyq saılaý komıssııasy ýaqytpen sanas­paı jumysqa kirisip ketti, – dedi Baqyt Meldeshov jýrnalısterge bergen suhbatynda. – Oblystarǵa, aımaqtarǵa negizgi qujattardy jetkizip berip, oblystyq, aýmaqtyq saılaý ýchaskeleriniń tóraǵa, hatshylarymen kezdesip, qaı jumys­tarǵa nazar aýdarylý kerektigin tú­sin­­­dirip jatyrmyz. 5 naýryzǵa deıin barlyq saılaý ýchaskeleriniń shekarasy aıqyndalyp, aqparat quraldarynda jarııalanady. Saılaýshylardyń tizimin túgendeýge oblystyq ákimdik, jergilikti máslıhattar kómektesedi. El prezıdentinen úmitkerler bar. Olarǵa qol qoıýlardy jınaýǵa saılaý paraǵy beriledi. Qysqasy, saılaýshylardyń tizimi túgendelip, jumysqa tas-túıin daıyn otyrý kerek. Saılaý komıssııa­sy ýchaskeleri mereke kúnderi de kúntizbelik keste boıynsha jumys jasaıdy. Búgingi maqsat – kezekten tys pre­­zıdenttik saılaýdy úlken jaýap­­kershilikpen ótkizýdi uıymdastyrý. Osylaı degen Ortalyq saılaý komıssııasynyń hatshysy qajet kómekke, túsinbegen suraqtarǵa óziniń qaı ýaqytta da jaýap berýge daıyn ekendigin jetkizdi. Baqtııar TAIJAN, «Egemen Qazaqstan». ShYMKENT.