Astanada qoǵamdyq kólikter tegin ınternetke qosyldy

ASTANA. 1 shilde. Astanada 100 avtobýs tegin ǵalamtorǵa qosyldy. Al keshke deıin olardyń qatary 400-ge jetetin bolady. Bul týraly 24.kz habarlady. Elorda kúni merekesi qarsańynda Wi-Fi Bus Astana jobasynyń resmı tanystyrylymy ótti. Uıymdastyrýshylardyń aıtýynsha, shilde aıynyń sońyna deıin qaladaǵy barlyq qoǵamdyq kólikter ǵalamtormen qamtamasyz etiledi. Endi bas qalanyń turǵyndary men qonaqtary kez kelgen ýaqytta atalǵan qyzmetti paıdalana alady. Biregeı joba osydan eki jyl buryn qolǵa alynǵan edi. Astanadan bólek, búginde elimizdiń 8 qalasynda – Qostanaı, Kókshetaý, Qaraǵandy Qyzylorda, Petropavl, Túrkistan, Oral jáne Almatyda shamamen 200 qoǵamdyq kólik tegin ınternetpen jabdyqtalǵan. Jobany uıymdastyrýshy Batyrbek Mýsınniń málimdeýinshe, astanalyqtar kóp ýaqytyn avtobýsta ótkizedi. «Bul bastama ýaqytty tıimdi paıdalaný úshin jasalyp otyr. Qazir kópshilik burynǵydaı gazet-jýrnal oqymaıdy. Qajet jańalyqtardy ǵalamtordan kóredi. Sony eskerip, osyndaı jobany qolǵa aldyq. Shamamen ár avtobýsta 15-20 adam tegin ınternetke qosyla alady. Bir seansy – 15 mınýt. Sodan keıin qaıta qosylý kerek», – deıdi B.Mýsın. Elaman Qońyr. Derek, sýret: 24.kz.