QYZYLAǴAShTAǴY QURYLYS SAPASY

TEKSERILIP, KО́RKEITÝ JUMYSTARYNA DA EREKShE MÁN BERILIP OTYR Qyzylaǵash aýylyn qalpyna keltirý barysy bıliktiń únemi nazarynda bolǵandyqtan, oblys ákiminiń birinshi orynbasary Amandyq Batalov qurylys kompanııalarymen turǵyn úıler men áleýmettik nysandardy salý barysyna baqylaýdy nazardan túsirgen emes. Munda ótken merzimde 437 turǵyn úı paı­dalanýǵa berilse, sońǵy­larynyń qurylystary aıaqtalýǵa jaqyn­dady. Sonymen qatar, ınfra­qu­rylym júıesi barlyq nysandarǵa tartylyp, kósheler tolyq asfalttaldy. Kóktemde otyrǵy­zylǵan jasyl jelek tamyr tart­qan. Turǵyndardyń júrip-turýyna qolaıly aıaldama sa­lynyp, aýyl­dy kórne­ki­liktermen bezendirý máseleleriniń tııanaǵyn keltirýge de den qoıylǵan. Qyzylaǵashtaǵy sý tasqyny qurbandaryna arnalǵan eskertkish alań abattandyrylýda. Sáýletshi Qabı Baýlyqov eskertkishtiń daıyn ekendigin, endi birer kúnde tuǵyryna ornatylatynyn jet­kizdi. Alyp eskertkish aýyldyń shyǵy­syndaǵy saıabaqqa jaqyn ornatylatyn boldy. Ol aldaǵy ýaqytta eldi meken jurtshy­lyǵynyń basynan ótkizgen alapat oqıǵany, birlik pen yntymaq nátıjesinde aýyldyń jańarǵanyn eske salady. Qyzylaǵashtyqtarmen áńgime barysynda keıbir turǵyndar qurylystyń sońǵy kezde sozylyp ketkenine renishterin jasyrmady. Másele nazarǵa alynyp, qury­lysshylarǵa eskertý jasaldy. Osylaısha “qurylys sapasyn tekserý beskúndigi” jarııalanyp, qurylys ujymdarynyń jumy­syna baqylaý men basshylyq jasaý qajettigi kún tártibine ótkir qoıylǵany da jaqsylyq deýge bolady. Qazirgi kezde balabaqsha, mek­tep, monsha, sport kesheniniń qurylystary qarqyn alǵan. Monsha qurylysyn kásipker, oblystyq máslıhattyń depýtaty Ýseın Kasanov júrgizip, búginde jumysy aıaqtalýǵa jaqyndaǵan. Al, mektep pen balabaqshany salǵan “Aýylqurylysy” jaýap­kershiligi shekteýli seriktestigi sapaǵa erekshe mán bergenin basshylar oń baǵalady. Bilim shańyraǵynyń aldyna aqıyq aqyn Ilııas Jansúgirovtiń músinin qoıý josparlanǵan. Kóshe-kósheni aralap, eldi mekenniń abattandyrylýyna kóńil bólgender Gúlmıra Sultan­ǵalıeva, Bolat Orazǵalıev, taǵy basqa turǵyndardyń tilekterine jaýap berip, eldi mekendegi qurylysqa sońǵy núkte qoıylatyn kún jaqyn ekenin jetkizdi. Aýyldaǵy Mádenıet úıine ornalasqan kitaphanada 15 myń kitap qory bolsa, taǵy da 2 mln. teńgege jańa kitaptar alynatyn boldy. Al, 400 dana jańa basylym balalarǵa arnalǵan ádebıetter eken. Sondaı-aq kór­kemónerpazdar úıirmesine qajetti “Iаmaha” mýzyka jabdyǵy, mı­krofon, daýys kúsheıtkish, taǵy basqa da qural- jabdyqtar jastardyń bos ýaqytyn tıimdi ótkizýine negiz bolmaqshy. Qyzylaǵashtyqtar ózderine jasalǵan qamqorlyqqa rıza ekendikterin áńgime arasynda jıi aıtady. –Elbasyna rahmet. Úıimiz Aqtoǵan aýylynda edi. Tasqynnan keıin jurty ǵana qaldy. Qysqa merzimde 80 sharshy metrlik jańa úıge qonystandyq. Endi qystan qysylmaımyz. О́ıtkeni, jylý edenniń astynan jiberilgen. Tabanymyzǵa birden jylý keledi. Úıdiń ishine sý tartyldy, kórpe-jastyq, ydys-aıaq, gaz plıtasy, as úı jıhazy, 4 tósek, ústel oryndyq, teledıdar berildi. Kúzde astyq, mal beriledi. Basymda úıim, baýyrymda qazanym, budan artyq ne kerek, –dedi Arman esimdi azamat shyn kóńilden. Osyndaı jyly lebizdi oralman otbasy Dáýlethan men Álıma Smaǵuldar da aıtady. Aýyl jańardy, onymen birge halyqtyń kóńil-kúıi de kóterildi. Kúmisjan BAIJAN. Almaty oblysy.