BEDELI BIIK BASYLYM

Búginde aqparat qyzmetiniń qa­­­jettiligi ýaqyt tórinde tur. Bul HHI ǵasyrdyń talaby ári jańa­ly­ǵy da. Sondyqtan aqparat qural­da­ry qaı kezdegiden de kóp. “Alýan-alýan júırik bar, áline qaraı shabady” demekshi, dóńgelengen dú­nıe dúrmegindegi alasapyran zaman kórinisi osyndaı ár basylym be­tinde ártúrli óriledi. Sondaı aq­pa­rat quraldarynyń arasynda búgingi qoǵamnyń bolmys-bitimin elep-ekshep, oqyrmandaryna salıqaly da salmaqty oı tastap, shyn­dyq­tyń aýylynan uzamaı, halyqtyń sózin sóıleıtin “Halyq” gazetiniń alǵan asýy men shyqqan shyńy sóz etýge turarlyq. Bıyl 10 jasqa tolyp otyrǵan “Halyqtyń”, ondaǵy eńbek etip júrgen órimdeı jastardyń órligi, ómirge degen kózqarasy talaıdy tamsantyp, súısindirip keledi. Artynda tirep turǵan tiregiń, mol qarjy tastap turatyn qazanshyń bolmasa, kerýenińdi tizip, kóshke ilesýdiń ózi eptilikti, iskerlikti, jınaqylyqty talap etedi. Degen­men, munyń bári shyǵarmashylyq jumystyń kúsh-qýaty boıynda tasyǵan, qıyndyqtan jasymaǵan jigerli basshy Amanjol Saqypuly basqaratyn ujym músheleriniń árbiriniń boıynan tabylyp, halyqtyń muńyn muńdap, joǵyn joqtap, ótkir maqalalary arqyly ondyqqa dóp tıgizip keledi. Basylymnyń basty urany re­tinde “Halyq – Qudaıdyń bir aty” atty úkili sózdi betperde tutqan ba­sylymnyń elmen, jurtshylyqpen biraýyzdylyǵyna talaı tánti bol­dyq. Osydan biraz jyl buryn ob­l­ystaǵy ekologııalyq ústemaqyny alyp tastaý jónindegi bılik tara­pynan bolǵan qısynsyz bastamaǵa alǵashqy bolyp “Halyq” gazeti ara­sha turdy. Baspasózdiń birqatary buǵyp qalǵanda, ekologııalyq aı­maq­taǵy qordalanǵan problemanyń seńin buzyp, qus qanatyndaı qa­lam­nyń shyndyqpen sýarylǵanda muz qaqyratatyn súımendeı bola­tynyna oqyrmannyń kózin jet­kizip, ádildik jaǵyna shyqqan be­del­­di ba­sylym sóziniń durystyǵy dálel­den­di. Budan eki jyldaı bu­ryn oblystyq meshit aınala­syn­daǵy daý-damaıǵa da aldymen aralasyp, bas ımamnyń tarapynan etek alǵan ýahhabılik aǵymnyń jolyn kesip, taza dindi ustanǵan musylman ja­ma­ǵattyń janynan tabyldy. Son­dyqtan da, halyq só­zin sóılep, my­na ómirdiń ózindeı tuzdyǵy mol, ashy sózdi basylym betinde beder­le­gen soń ba, oqyrman da ózekke teppeı, ózimsine oqıdy. Gazettiń sońǵy jyldyń sora­byn­da óziniń bet-beınesin kúrt óz­ge­rtip, aıtarlyqtaı jańarý men jań­ǵyr­týdyń jolyna túskenin bú­ginde túı­sigi túgel jurttyń kóbi aı­typ júr. Muny redaksııaǵa kún­de­likti ertemen shalynyp turatyn qo­ńy­raýlar men arnaıy kelip jata­tyn hattar astaryndaǵy oılar men pikirler de tolyq qýattaıdy. “Ha­­lyq­tyń” halyq kóńilinen shyq­qan­dyǵy sol, bıylǵy ekinshi jar­ty­jyl­dyqta basylym taralymyn 8000-ǵa jetkizip, oqyr­man sanyn ulǵaıtyp otyr. Munyń ózi – jurt­shylyqqa túzý sóz ben aqıqat aq­pa­rat berýge umtylyp otyr­ǵandyq­tyń belgisi. Basylymnyń qozǵamaıtyn ta­qyryby joq. Aqparattar aǵyny, saıa­sı saraptama, urpaq tárbıesi, jas­tar máselesi, bilim men ǵylym, ká­sip pen násip, salaýat pen ser­gek­­tik, qu­qyqtyq saýat ashý, jul­dyz­dar ále­mi, til men dil – “Ha­lyq” gaze­tiniń basty taqyryby. Sonymen birge oqyrmannyń keleli oıyna da, tatymdy tujyrymyna da oıyp tu­ryp oryn beriledi. Iаǵnı, redaksııa men oqyrman arasynda ózara shy­ǵarmashylyq baılanys bar dep senimmen aıtýǵa bolady. Shaǵyn da jas uıym, biraq shyn­dyq aýylynan shyqqan jandar eńbegi bet-beınesi aıqyn­dal­ǵan basy­lym­nyń “Tulpar”, “Tu­mar”, “Taǵdyr”, “Tu­saýkeser”, “Tyl­sym”, “Oıpyr­maı”, “Salaý­at”, “Sergek” sekildi ar­naıy bet­te­rimen de kóptiń kó­ńi­linen shy­ǵýy­nyń ózin ómirdiń kún­geıi men kóleńkeli tustaryn, tir­shi­lik ta­my­rynyń búlkilin aına-qatesiz kór­setýinen dep uǵynyńyz. Shyndyqtyń sharaı­na­sy, aqı­qat­tyń aldaspanyna aı­nal­ǵan únjarııa el birligi men yn­ty­maǵyn arttyrýda, jańarýdyń be­rik ustam­dy saıasatyn nasıhattaýda da óz múmkindigi deńgeıinde jumys jasap keledi. Oǵan jyl saıyn mem­le­ket­tik tapsyrys oryn­daı­ty­ny aıqyn dálel. Bul jańarý jo­ly­n­daǵy mem­lekettiń baǵytty is-qımyldaryn halyqqa jetkizý bol­sa, ári bılik tarapynan medıa-hol­dıng dáre­je­sindegi ujymnyń qyz­me­tine degen senimdilikti tanytady. Erkin ÁBIL, Qyzylorda oblysy.