Qyrǵyzstan túrmesinen qashqan otandasymyz ózin-ózi jaryp jiberdi

ASTANA. 1 shilde. Qyrǵyzstanda túrmeden qashqan Qazaqstan azamaty ózin-ózi jaryp jiberdi. Bul týraly KırTAG habarlady. Oqıǵa búgin túnde, saǵat úshtiń kezinde bolǵan. Bishkekte Qyrǵyzstan túrmesinen qashyp shyqqan otandasymyz Albert Abhın polıseılerge ustalǵan kezde ózin jaryp jibergen. Saldarynan qylmysker oqıǵa ornynda qaza tapty. Al Qyrǵyzstan túrmesinen qashqan taǵy bir qazaqstandyq týraly ázirge eshqandaı málimet joq. Búginde atalǵan is boıynsha tekserý jumystary júrgizilýde. Aıta keteıik, Qazaqstan azamattary – 24 jastaǵy Albert Abhın men 27 jastaǵy Janbolat Ámirov Bishkekte birneshe qylmys jasaǵany úshin 4 jylǵa sottalǵan bolatyn. Alaıda, olar túrmeden qashyp ketken. 25 maýsymdaǵy ustaý operasııasy kezinde olardyń biri tapanshamen aýaǵa oq atsa, ekinshisi granatany jaryp jiberemin dep qorqytyp, polıseılerden qashyp ketken bolatyn. Elaman Qońyr. Derek: KırTAG. Sýret: timeskz.kz.