BURYNǴY KAZINO BÚGINDE JASTAR ORTALYǴY

Búginde oblysta 14 pen 29 jas aralyǵynda 700 myńnan astam jastar bar. Bul – oblys halqynyń úshten bir bóligi, úlken kúsh. Turǵyndarynyń sany 1 mıllı­on­­­ǵa jeteqabyl delinetin Shym­kent qalasynda jastardyń bir me­zet shúıirkelesip, ózderiniń keleli máselelerin sheship alýǵa múmkindik týǵyzatyn ortalyǵy joq ekendigi kóńilge qaıaý túsiretin. Negizi, joq emes, bar edi. Burynǵy “Mashıno­stroı­tel”, keıinnen “Alpamys ba­tyr” atyndaǵy alyp saraı to­lyq­taı jastar ıeligine berilip, osy jer aranyń uıasyndaı bolǵanyn kózimiz kórip, kóńilimiz súısingen. San taraý bólmeleri de, úlken zaly da eshqashan bosamaıtyn. Túrli kesh­ter, dıspýttar, salıqaly bas­qo­sýlar, qoǵamdaǵy jańalyqtarǵa jastardyń qatysy, ún qosýy os­yn­da júzege asyp jatatyn. Alaıda, oblystyń keıingi jyl­dary jıi aýysyp ketken bas­shy­larynyń birine Shymkenttiń má­denı ahýaly, qazaq qazaq bolǵaly “sabalap” tartyp kele jatqan dom­byrasymen qalyp ketkeni unamaǵan bolýy kerek. Jastar máselesin keı­­innen sheshemiz dep, aranyń uıa­syndaı gýildep jatatyn ortalyǵyn jaýyp, opera jáne balet teatryna aınaldyryp jiberdi. Árıne, memlekettiń qyrýar qarjysyna. Opera ánshileri men balet bı­shileri Almaty men Astananyń ózin­de jetpeı jatqanda munyń qan­shalyqty durys sheshim bolǵan­dyǵy shymkenttikter úshin sál bel­gisizdeý bolyp qaldy. Opera jáne balet teatry jurttyń qalaǵanynsha bara beretin “Tamasha”, “Shanshar” ázil-syqaq teatry emes, Roza Rym­baeva bastaǵan juldyzdardyń án sherýi emes. Klassıkalyq óner dep áspettegenimen, klassıkalyq ánshi, bıshileri joq teatrdyń aılap ja­byq turatyn ýaqyttary da boldy. Esesine, jastar kóshede qalǵan. Barlyq jaqsylyq – balalarǵa, eldiń bolashaǵy – jastarǵa dep, qý sózben qýyrdaq qýyryp júrip, olar jaıly úlkenderdiń umytyp ketetin jaılary bar ekendigi osyn­daıda kórinip qalǵan. Jastar osy máseleni oblys basshy­sy­nyń aldy­na qoıdy. Jalǵyz ret emes. Abaı saıabaǵynyń ishinde “Fa­vorıt” de­­gen kazıno bolǵan. Oblys bas­shylyǵy ıesimen kelis­sóz júrgizip júrip, jobalaý quny 55 mln. teń­gege bıznestiń áleýmettik jaýap­ker­shiligi aıasynda jastarǵa laıyq­tap qaıta jóndep berdi. Memlekettik jastar saıasatyn qoldaý maqsatynda ashylǵan Jas­tar ortalyǵy ómirdiń aǵysyna qa­ıy­­ǵyn salyp, marǵaý kete ber­meı­di. ­Maqsat, muraty úlken. Jas­tar­dyń quqyǵyn qorǵaıdy, belsen­di­ligin ushtaıdy. Áleýmettik másele­ler­­de sheshilmegen túıinderdi tar­qa­týǵa járdemdesedi. Ortalyq negi­zinen úsh baǵytta jumys jasamaq, so­ǵan oraı bólimder qurylǵan. Olar taldaý, monıtorıng jáne áleý­mettik zertteý máselesimen aı­na­lysady. Onyń ishine, árıne, talanttardy qoldaý, jumyspen qamtý sııaqty ózekti jáıtter kiredi. Búginde oblysta 14 pen 29 jas aralyǵynda 700 myńnan astam jastar bar. Bul – oblys halqynyń úshten bir bóligi, úlken kúsh. – Biz talantty jastardyń oı-ar­manyn júzege asyrýǵa kómekte­semiz. Merekelik sharalaryn ót­kizýge laıyqtalǵan arnaýly ból­melerimiz bar. Jastar – qoǵamnyń qozǵaýshy kúshi. Olardyń alǵan bi­limi, tárbıesi memleketimizdiń ke­mel­denýine sep­tesedi. Biz soǵan jaǵ­daı jasaı­myz, – dedi jastar orta­ly­ǵynyń dırek­tory Asqar Ábýbákirov. Jastar ortalyǵynyń ashylý sal­t­anatynda sóz alǵan oblys ákimi A.Myr­zahmetov jastardyń bola­sha­ǵymyz ekenin qur sózben aıtyp qoı­maı, olarǵa naqty ispen qam­qorlyq kórsetýimiz kerek dedi. “Dıp­lommen – aýylǵa” baǵdarla­ma­synyń oryn­dalýyna júıeli túr­d­e atsalysý ke­rek. Istiń kózin taý­yp, bıznespen aı­na­lysý úshin dóń­ge­lek ústel, tre­nıngter ótkizilse, oǵan iri kásip­kerler shaqyrylsa, seń qozǵalar edi. Oblysqa opera jáne balet teat­ry kerek. Biraq, ol jastar saıasaty ese­bi­nen bolmaýy kerek edi. Osy olqy­lyq túzetildi. Úlken oblystyń úlken qalasyndaǵy úlken túıin araǵa úsh jyl salyp osylaısha tarqatyldy. Baqtııar TAIJAN, Ońtústik Qazaqstan oblysy.