Shymkentte apattan úısiz qalǵandarǵa baspana berildi

ShYMKENT. 5 naýryz. Shymkentte tabıǵı gazdyń jarylysy saldarynan baspanasyz qalǵan segiz otbasyǵa páter kilti tapsyryldy. Bar-joǵy eki aıdyń ishinde zardap shegýshilerdiń tilegi oryndalyp, qýanyshqa keneldi. Bul týraly egemen.kz tilshisi habarlady. Saltanatty shara qala ákimdiginde ótti. Bul segiz otbasy qaqaǵan qystyń ortasynda baspanasyz qalǵan bolatyn. Sodan beri jataqhanany panalady. Bılik bergen ýádesinde turyp, eki aıdyń ishinde qaıtadan úıli etti. «Bıýdjetten 69 mıllıon teńge bólindi. Ol qarjy qala ákimdiginiń tótenshe jaǵdaıdyń saldarynan joıýǵa baǵyttalǵan qarajat. Bul aqshaǵa úsh bólmeli eki páter, eki bólmeli alty páter satyp alyndy»,– deıdi qala ákiminiń orynbasary Beısenbek Janbosynov. Eske salaıyq, 20 jeltoqsan kúni Aqnazarhan kóshesindegi №62 úıde gaz jarylyp, oqys oqıǵa oryn alǵan bolatyn. Sonyń saldarynan 8 páterli úı qırap qaldy. Turǵyndar qaýipsiz jerge kóshirildi. Kúshti jarylystan úıdiń negizgi qabyrǵalary qıraǵandyqtan, ony qalpyna keltirý ońaı bolmaǵan. Úıdi apatty dep tapqan mamandar baspananyń qaldyǵyn súrip te tastady. Baqtııar Taıjan. Derek: egemen.kz. Sýret: kz.otyrar.kz.