Sáýletti ómir kepili

Týǵan elimizdiń, uly Otanymyzdyń tarıhynda altyn áriptermen jazylar shýaqty kúnniń biri – 30 tamyz. Osy kúni Qazaqstan Respýblıkasynyń Ata Zańy ómirge keldi. 16 jeltoqsanda qazaq eli óz táýelsizdigin jarııalap, irgeli jurt ekenin tanytsa, 30 tamyzda táýelsizdigimizdi zańmen qorǵaıtyn Ata Zańymyz dúnıege keldi. Elimiz úshin táýelsizdik kúni qanshalyqty qurmetti bolsa, bul kún de sonshalyqty ardaqty. Al bıylǵy jyly bul kún eki ese nurly, eki ese shýaqty. Sebebi, bıylǵy jyly Ata Zańymyzǵa týra jıyrma jyl. Qasym hannyń qasqa jolynyń, Esim hannyń eski jolynyń, áz Táýkeniń «Jeti Jarǵysynyń» murageri – táýelsiz eldiń Ata Zańyna 20 jyl toldy. Osydan 20 jyl buryn búkilhalyqtyq referendým nátıjesinde Qazaqstan halqy óz tańdaýyn jasap, óz Ata Zańyn tańdap alǵan bolatyn. Mine, osy Ata Zańymyz 20 jyl elimizge qaltqysyz qyzmet etip keledi. Ata Zańymyz – sáýletti ómirdiń kepili. Buǵan árbir Qazaqstandyq senedi. Ǵasyrlar toǵysynda Máńgilik El – Qazaqstannyń Ata Zańy ómirge keldi. Táýelsizdigimizdiń tuǵyrly bolmaǵyna Ata Zańymyzdyń qosar úlesi zor, qosqan dúnıesi de mol. Táýelsizdigimizdiń 24 jylyna aıaq basqan ortaq Otanymyz Qazaqstannyń gúldenýi jolynda Ata Zań baǵyt berýshi temirqazyq ispettes. Ata Zań – memlekettiń quqyqtyq júıe­siniń máıegi, qaınar bulaǵy. Sebebi ózge zań Ata Zań negizinde ǵana júzege asyrylady. Konstıtýsııamyzda kúndelikti kúıbeń tirshilikte qoldanylatyn dúnıe­lerden bas­tap, memlekettiń saıası strategııasyna deıin tolyq qozǵalǵan. Bizdiń Ata Zańymyzdyń basty nysany – adam ómiri jáne adam quqyqtary. «Memlekettiń basty baılyǵy – adam» degen urandy alǵan alty Alashtyń quqyǵyn qorǵap, adamzattyń múddesin maqsat tutqan Ata Zańymyz – sáýlet­ti ómirdiń kepili. Buǵan árbir Qazaqstandyq senedi. Azat elimizdiń aıbarly ar-namysynyń qorǵaýshysy ári qoldaýshysy – Ata Zań. Elbasy Nursultan Ábishuly Nazarbaev óz sózinde «Konstıtýsııa bizdiń táýel­siz­digimizdi nyǵaıtty, memleketti jáne búkil qoǵamdy berik etti. Sondyqtan da, bizdiń ortaq paryzymyz – Negizgi Zańǵa qunttylyqpen qaraý, ony óz Otanymyzdy, óz tarıhymyzdy qurmettegendeı qurmet­teý» dep atap aıtqan bolatyn. Tuǵyr­ly táýelsizdigimizdiń, mereıli memle­kettigimizdiń kepili – aıbarly Ata Zańymyz. Bizdiń Ata Zańymyzda adam quqyqtary tolyqtaı qorǵalǵan. Bul Ata Zańymyzdyń II bóliminde tolyqtaı aıtylǵan. Osy bólimniń 12-babynda «Adam quqyqtary men bostandyqtary árkimge týmysynan jazylǵan, olar absolıýtti dep tanylady, olardan eshkim aıyryla almaıdy, zańdar men ózge de normatıvtik quqyqtyq aktilerdiń mazmuny men qoldanylýy osyǵan qaraı anyqtalady», dep jazylǵan. Qazirgideı zymyrap aqqan juldyzdaı jedel damyǵan zamanda jahandyq damý kóshinen qalyspaı, damýdyń dańǵyl jolyna túsken bolsaq, bul da Ata Zańymyzdyń salamatty ómir kepili ekendiginiń dáleli. Ata Zańymyzdy qabyldar aldynda «Biz, ortaq tarıhı taǵdyr biriktirgen Qazaqstan halqy, baıyrǵy qazaq jerinde memlekettilik qura otyryp, ózimizdi erkindik, teńdik jáne tatýlyq murattaryna berilgen beıbitshil azamattyq qoǵam dep uǵyna otyryp, ózimizdiń egemendik quqy­ǵymyzdy negizge ala otyryp, qazirgi jáne bolashaq Konstıtýsııany qabyldaımyz» degen uly maqsat qoıǵan bolatyn. Qazaqstan halqy sol uly maqsatyna qol jetkize bildi.  Baqytjan OTARBAEVA, L.N.Gýmılev atyndaǵy Eýrazııa ulttyq ýnıversıteti jýrnalıstıka fakýltetiniń stýdenti.