Qaıyrymdylyq

Respýblıkalyq dıagnostıkalyq ortalyǵynda «Nur Otan» partııasy «Baqytty balalyq shaq» jobasynyń aıasynda partııanyń osyndaǵy fılıaly «Balalardy mektepke daıyndaıyq» aksııasyn ótkizdi. Ony Ulttyq medısınalyq holdıngtegi partııanyń fılıaly enshiles uıymdardyń kásip­odaq komıtetteriniń qol­daýymen uıym­dastyrǵan. Ak­sııanyń maq­saty – óz qyzmetkerleri arasyndaǵy az qamtylǵan jáne kópbalaly otbasylar balalarynyń mektep jaraq­taryn, oqýlyqtar alýy úshin materıaldyq kómek berýge saıady. Osy kúni holdıngtiń enshiles kásiporyndaryndaǵy 125 qyzmet­kerdiń balalary jańa oqý jyly­na qajetti jaraqtar jáne aq­shalaı sertıfıkat alýǵa qol jet­kizdi. Olardy holdıng pen onyń quramyndaǵy bólimshelerdiń bastyqtary tabys etti. «Nur Otan» partııasy fılıalynyń holdıngtegi fılıaly tóraǵasynyń orynbasary Marııa О́tebaeva jı­nalǵandardy jańa oqý jyly­men quttyqtady. Osyndaı aksııalardyń 2010 jyldan beri júrgizilip kele jatqanyn atap ótti. Biz óz qyzmetkerlerimizdiń balalaryn qoldaýǵa, olardyń qınalǵandaryna árqashan da qolushyn berýge ázirmiz. Bala­lardyń jarqyn júzderin, qýa­nyshty kúlkilerin kórýdiń ózi bizdi qýantady», – dedi ol. Sony­men birge, ol jınalǵandardy Ata Zańnyń 20 jyldyq mereı­toıymen de quttyqtady. Al hol­­dıng basqarmasynyń tór­- a­ǵasy Nurjan Otarbaev búldir­shinderge joldaryń aq bolsyn, densaýlyqtaryń myqty bolsyn degen tilek aıtty. Ata-analar atynan sóz alǵan holdıng qyzmetkeri, neırohırýrgııa bóliminiń sharýashylyq jónindegi medbıkesi Raýshan Kárimova ózderine jasalǵan qamqorlyqtary úshin holdıng basshylary men «Nur Otan» partııasy fılıalyna alǵysyn bildirdi. Jaqsybaı SAMRAT, «Egemen Qazaqstan».