Memlekettik tildi meńgergendigin dáleldeı almady

Keshe Ortalyq saılaý komıssııasynda Qazaqstan Respýblıkasynyń prezıdenttigine kandıdattardyń memlekettik tildi erkin meńgergendigin anyqtaý jónindegi Lıngvıstıkalyq komıssııa úmitkerlerdiń biri – Asqar Jorabaıuly Syrǵabaevtan synaq aldy. Lıngvıstıkalyq komıssııanyń tóraǵasy Myrzataı Joldasbekov aldymen prezıdenttikke kandı­dattyqqa usynylǵan Asqar Syr­ǵabaevtyń ómirbaıanyna toqtalyp ótti. Ol 1959 jyly Jambyl oblysynyń Jambyl aýdanyna qarasty Qyzyljuldyz aýylynda dúnıege kelgen. Qazaqstan azamaty, ulty – qazaq, bilimi joǵary. Budan keıin Komıssııa tóraǵasy synaq tapsyrýshyǵa synaqtyń tártibin tanystyrdy. Birinshi kezeńde kandıdattyqqa usynylǵan ol eki bettik jazba jumysyn jazýǵa tıis. Asqar Syrǵabaev «Álemdik daǵdarys jáne Qazaqstan ekonomıkasy» degen taqyrypty tańdady. Úsh saǵattan astam ýaqytqa sozylǵan synaqtyń nátıjesin Komıssııa tóraǵasy Myrzataı Joldasbekov jarııa etti. «Birinshi jazba jumysynda siz «Álemdik daǵdarys jáne Qazaqstan ekonomıkasy» degen taqyrypty tańdadyńyz. О́kinishke qaraı, eki bettik jazba jumysynda 92 qate jiberilgen. Onyń ishinde «memleket» degen sózdiń ózi durys jazyl­maǵan, – dedi Komıssııa tóraǵasy. – Ekinshi kezeńde úsh bettik mátindi ejiktep áreń oqydyńyz. Sizdiń oqý mánerińiz álsiz shyqty ári túsiniksiz sózder kóp boldy. Son­dyqtan, bul da memlekettik til­di erkin meńgermegenińizdi kórsetedi». Komıssııa tóraǵasynyń habardar etýinshe, prezıdenttikke kandıdattyqqa usynylýshyǵa úshinshi kezeńde «El birligi – el arqaýy» degen taqyrypta on bes mınýt kósile sóıleýge múmkindik berilgen. «Biraq, siz solaı sóıleı almadyńyz, on bes mınýttyń ornyna toǵyz mınýt qana sóıledińiz. Sóılemderińizdiń logıkalyq baılanysy da álsiz boldy. Adam túsinbeıtin sóılemderdi qoldan­dyńyz. Qysqasy, Lın­gvıstıkalyq komıssııa Asqar Syrǵabaevty memlekettik tildi erkin meńgere almaǵan degen qorytyndy jasady», – dedi Myrzataı Joldasbekov. Jýrnalısterge suhbat berý kezinde Asqar Syrǵabaev ana tilin turmystyq deńgeıde ǵana bilgeni úshin óziniń uıalatyndyǵyn moıyndady. «Synaq óz talaptaryna saı ótti, renjıtindeı jaǵdaı oryn almady. Bári oryndy. Shynymdy aıtsam, men alǵash ret búgin qazaqsha jazdym. Sebebi, osy ýaqytqa deıin mundaı talap maǵan qoıylmaǵan edi. Shalaqazaqtyqqa salynyp, turmystyq deńgeıde ǵana ana tilimizdi bilip júrgen azamatpyz ǵoı. Biz keńes zamanynda bilim aldyq. Al búgingi kórsetken nátıjeme ádil baǵa qoıyldy», – dedi ol aǵynan jarylyp. *  *  * Ortalyq saılaý komıssııasynyń hatshysy Baqyt Meldeshov keshe BAQ ókilderine prezıdenttikke kandıdattyqqa usynylǵandar sany toǵyz adamǵa jetkenin habarlady. Onyń atap ótýinshe, usy­nylǵandardyń segizi ózin ózi usynǵan, bir azamat Qazaqstannyń Kommýnıstik halyq partııasy atynan kezekten tys prezıdenttik saılaýǵa usynylyp otyr. «5 naý­ryz­daǵy jaǵdaı boıynsha, Qazaqstan Respýblıkasynyń prezıdenttigine toǵyz adam usynyldy, – dedi ol. – Olar Asqar Syrǵabaev, Safıolla Aldajanov, Lımana Qoıshıeva, Baqyt Abdýkarımov, Sýhrab Myrzashov, Esenbek О́kteshbaev, Iаkobjan Júnisbekov, Turǵyn Syzdyqov jáne Juman Qanat». Álısultan QULANBAI, «Egemen Qazaqstan».