Papýa-Jańa Gvıneıada adam etin jedi degen kúdikpen 54 turǵyn qolǵa tústi

ASTANA. 25 tamyz. Papýa-Jańa Gvıneıada adam etin jeýmen aınalysty degen kúdikpen 54 jergilikti azamat qolǵa tústi. Bul týraly National basylymyna silteme jasaǵan TASS habarlady. Kúdiktilerdi tutqyndaý operasııasy Damer jáne Vaıdabodolo eldi mekenderinde júrgizildi. Sebebi, bul aýyl ondaǵan jyl boıy syrtqy álemnen tys, jabyq saıasat ustanyp kelgen bolatyn. Arnaıy operasııaǵa 35 áskerı jáne polıseı qatysty. Batys aımaǵy quqyq qorǵaý organdary ókilderiniń habarlaýynsha, Flaı ózeniniń saǵasyndaǵy zańsyzdyqtar týraly málimetter 2009 jyldan beri kelip túsýde. «Birinshi kezekte shaǵymdar kúndelikti turmysta adam etin jeý jáne qupııa dinı joralǵynyń taralýy týraly boldy. Kelip túsken derekterge qaraǵanda, belgisiz nanym adamnyń basyn kesip alýǵa jáne úılerdi órtep jiberýge úgitteıdi eken», – deıdi polısııa basshysy Sılva Sıka. Jalpy, kannıbalızm Papýa-Jańa Gvıneıada ózekti máselelerdiń biri. Oǵan halyqtyń basym bóliginiń sıqyrdyń kúshine senetini sebep bolyp otyr. Elaman Qońyr. Derek: TASS. Sýret: reuters.com.