Arnaıy ókil sapary nátıjeli

Elbasy Nursultan Nazar­baevtyń arnaıy ókili retindegi sapary aıasynda Parlament Májilisi Tóraǵasynyń orynbasa­ry Sergeı Dıachenko Bosnııa jáne Gersegovınada osy el pre­zı­denttiginiń tóraǵasy Mla­den Ivanıchpen, Bosnııa jáne Ger­segovına Parlamenti ókil­deri palatasynyń (tómengi pala­ta) tóraǵasy  Shefık Djafe­rov­pen, sondaı-aq, Bosnııa jáne Ger­segovına SIM bastamasy boı­ynsha syrtqy saıasat vedo­mostvo­synyń basshysy Amer Kape­tanovıchpen kezdesti. Kezdesý barysynda Sergeı Dıa­chenko Qazaqstan Respýblıkasy Pre­­zı­dentiniń Bosnııa memleketine gúldený men tabys tilegen yqylasyn  jetkizdi. Arnaıy ókildiń atap ótkenindeı, Bosnııa jáne Gersegovına Qazaq­stannyń osy aımaqtaǵy mańyzdy saıası áriptesi sanalady. Eki el arasyndaǵy saıası yntymaqtastyq ózara túsinistik pen senim deńgeıinde qanat jaıyp keledi. Májilis Tóraǵasynyń orynbasary Bosnııa jáne Gersegovınanyń Qazaqstannyń halyqaralyq mańyzdy bastamalaryna kórsetken qoldaýlaryna joǵary baǵa bere kelip, aldaǵy ýaqytta saýda-ekonomıkalyq yntymaqtastyqty damytý mańyzdylyǵyna toqtaldy. О́ıtkeni, qazirgi ýaqytta Qazaqstan men Bosnııa jáne Gersegovına arasyndaǵy taýar aınalymyn nyǵaıtýdyń, sondaı-aq, ekijaqty yqpaldastyqtyń kelisim-quqyqtyq bazasyn jetildirýdiń múmkindigi zor. Qazaqstan Prezıdentiniń arnaıy ókili Qazaqstanda sońǵy 10 jyl ishinde áleýmettik-eko­no­mıkalyq, saıası salalarda júrgizilgen reformalardyń nátı­jesinde qol jetkizilgen tabystardy sóz ete kelip,  bizdiń elimizdiń Eýropadan, Amerıkadan, Azııadan Ortalyq Azııaǵa tartylǵan bar­lyq ınvestısııanyń 80 paıyzdan astamyn jınaqtaǵanyn, onyń táýelsizdik alǵan jyldar ishinde   200 mlrd. AQSh dollaryn quraǵanyn alǵa tartty. Sondaı-aq, ol Qazaqstan Prezıdentiniń  halyqtyń ál-aýqatyn kóterý jáne damyǵan 30 eldiń qataryna kirý jolynda usynǵan «Nurly Jol» Jańa Ekonomıkalyq Saıasaty týraly da habardar etti. Ǵalamdyq máselelerdi sóz etkende S.Dıachenko Qazaqstannyń din­aralyq jáne ultaralyq tole­rant­tylyqtyń, janjaldy beıbit jolmen retteýdiń jaqtaýshysy ekenin jáne solaı qala beretinin atap ótti. Qazaqstan EQYU jáne ShYU syndy halyqaralyq uıymdar aıasynda aımaqtyq ári ǵalamdyq suraqtarǵa qatysty maqsattar men mindetterdi alǵa jyljytýda aıtarlyqtaı úles qosty. Bizdiń elimizdiń Aýǵanstandaǵy jaǵdaıdy turaqtandyrýǵa qatysty kómegi aımaqtyq qaýipsizdikti nyǵaıtýda mańyzdy ról atqardy. Sonymen qatar, Qazaqstan Prezıdentiniń ıadrolyq qarýdan bas tartý men Semeı  polıgonyn jabý bastamasy – osy saladaǵy iri jetistikterdiń biri. Qazaqstan halyqaralyq qo­ǵam­dastyqtyń múshesi retinde basqa aımaqtarda turaqtylyq pen beıbitshilikti qoldaýǵa baılanys­ty BUU halyqaralyq bitimgerlik mıssııasyna aıryqsha úles qosýda. Bosnııa jáne Gersegovına basshysymen áńgime barysynda Qazaqstan Prezıdentiniń arnaıy ókili BUU Qaýipsizdik Keńesiniń turaqty emes músheligine Qazaqstan kandıdatýrasyn qoldaý týraly ótinishin jetkize kelip, Bosnııa jáne Gersegovına prezıdenttiginiń tóraǵasy Mladen Ivanıchke Elbasy Nursultan Nazarbaevtyń jeke joldaýyn saltanatty túrde tabys etti. О́z kezeginde Bosnııa jáne Ger­segovına basshysy Qazaqstan Prezıdentine ystyq yqylasy men sý tasqyny kezinde kórset­ken qarjylyq kómegi úshin rıza­shy­lyǵyn bildirdi. Mladen Iva­nıch Qazaqstan men Bosnııa jáne Gersegovına arasyndaǵy ekijaq­ty qatynasqa joǵary baǵa bere oty­ryp, saýda-ekonomıkalyq, ınves­tısııalyq, quqyqtyq sala­daǵy baılanystardy odan ári tereń­detý kerektigine kóńil bóldi.  Bosnııa prezıdenttiginiń tóra­ǵasy Qazaqstannyń aımaqta, búkil álemde qaýipsizdikti kúsheıtý jo­lyndaǵy úlesine erekshe nazar aýdara kelip, bizdiń elimizdi Ortalyq Azııadaǵy beıbitshilik pen damýdyń ortalyǵy dep atady. Odan ári Mladen Ivanıch 2017-2018 jyldarǵa BUU Qaýip­sizdik Keńesiniń turaqty emes mú­sheligine Qazaqstan kandıdatýrasyn qoldaıtyndyǵyn jáne áriptesterine óz usynysyn aıtatynyn jetkizdi. Bul taqyryp odan keıin S.Dıa­chenkonyń Bosnııa jáne Gersegovına Parlamenti ókilderi palatasynyń (tómengi palata) tóraǵasy  Shefık Djaferovpen jáne Bosnııa jáne Gersegovına SIM-iniń bastamasy boıynsha syrtqy saıasat vedomstvosynyń basshysy Amer Kapetanovıchpen júzdesýinde de áńgime ózegine aınalyp, keń qoldaý tapty. Sáýlebek BIRJAN.