Sezd – halyqaralyq kúsh-jigerdiń mańyzdy salasy

Senat Tóraǵasy Q.Toqaevtyń Nıý-Iorkke jumys sapary aıaqtaldy 4 naýryzda Parlament Senatynyń Tóraǵasy Qasym-Jomart Toqaevtyń Nıý-Iorkke jumys babyndaǵy sapary aıaqtaldy, dep habarlady osy palatanyń baspasóz qyzmeti. Q.Toqaev BUU Bas hatshysy Pan Gı Mýnmen kelissóz júrgizdi jáne oǵan 2015 jylǵy 10-11 maýsymda Astanada bolatyn Álemdik jáne dástúrli dinder kóshbasshylarynyń V sezine Qazaqstan Prezıdenti Nursultan Nazarbaevtyń jeke shaqyrýyn tabys etti. «Sizdiń V Sezge qatysýyńyz progress jolynda odan ári ilgerileý úshin dinı ıerarhtar men saıasatkerler tarapynan kelisilgen is-qımyl men ózara qoldaý barda adamzat qazirgi kezdegi jahandyq álemniń qaterlerine tıimdi qarsy tura alatynyna halyqaralyq qoǵamdastyqqa naqty belgi bolaryna senimdimin», – dedi Senat Tóraǵasy. BUU Bas hatshysy ultaralyq jáne konfessııaaralyq beı­bit­shilik pen kelisimniń qazaq­standyq úlgisin joǵary baǵalap, N.Á.Nazarbaevtyń bastamasy boı­ynsha shaqyrylǵan dinı forým mańyzdy ári tıimdi únqatysý alańy ekenin atap ótti. Pan Gı Mýnnyń aıtýynsha, BUU Sezdi qol­daıdy jáne forýmnyń maq­saty men mindetterin álemdik qoǵam­dastyqta ilgeriletýde Qazaq­stanmen yntymaqtasatyn bolady. BUU-da ótken Álemdik jáne dástúrli dinder kóshbasshylary seziniń tanystyrylymynda sóz sóılegen Q.Toqaev Nıý-Iork – ulttar qaýymdastyǵynda, eń aldymen, BUU jáne onyń qazirgi za­mandaǵy ózekti máselelerdi she­shýdegi adamzat úmit etken mań­yzdy jahandyq forýmdarymen astarlasa eske túsetinin atap ótti. Senat Tóraǵasy BUU-nyń órkenıetaralyq únqatysýdy ilgeriletý jónindegi BUU-nyń kóp salaly qyzmetin Qazaqstan joǵary baǵalaıtynyn aıtty: «Biz dinaralyq jáne konfessııaaralyq kelisim – beıbitshilik pen qaýipsizdikti nyǵaıtý úshin mańyzdy shart bolyp tabylatynyna nyq senemiz. Jáne ultaralyq, sondaı-aq, konfessııaaralyq beıbitshilik pen kelisimniń erekshe úlgisin qalyptastyra aldyq». Álemdik jáne dástúrli dinder kóshbasshylarynyń sezi týraly aıtqanda, Q.Toqaev «Dinı forým – dinaralyq únqatysý, álem qurylysy, dinı turǵydaǵy shıelenisterdi boldyrmaý, halyqaralyq yntamaqtastyqtyń jańa túrlerin ázirleýdi ilgeriletý úshin dinı kóshbasshylardyń kúsh-jigerin biriktirýge arnalǵan», – dep atap ótti. Ol ótken tórt forýmnyń ná­tıjeleri Álemdik jáne dás­túr­li dinder kóshbasshylary sezi bel­gili saıası qaıratkerler men halyqaralyq uıymdardyń jetek­shilerimen birge qazirgi zamandaǵy eń ózekti máselelerdi talqylaıtyn dinı kóshbasshylardyń turaqty jumys isteıtin forýmy retinde qalyptasqany týraly habardar etti. «Astana forýmy dinder men mádenıetter arasyndaǵy pikir qaıshylyqtaryn tek túrli halyqtar arasyndaǵy beıbitshilikti, ózara túsinistikti jáne áriptestikti ornyqtyrý arqyly ǵana eńserý múmkin ekendigin pash etken mysal boldy». Senat Tóraǵasy Nıý-Iorkte Birikken Ulttar Uıymy Bas hatshysynyń orynbasary, BUUDB Ákimshisi Helen Klarkpen, sondaı-aq, BUU-nyń birqatar joǵary laýazymdy adamdarymen, iri qorlardyń basshylary – Azııa qoǵamynyń prezıdenti Dj.Shıranmen, «Eýrazııa» tobynyń prezıdenti Iа.Bremmermen, О́rkenıetter alıansynyń Joǵa­ry ókili N.An-Nasermen, «Beıbit­shilik jolyndaǵy din» konfe­rensııasynyń Bas hatshysy Ý.Vendlımen jáne Nıý-Iork dinı qaýymdastyǵynyń ókilderimen kezdesti. Álemdik jáne dástúrli dinder kóshbasshylary sezi Hatshylyǵynyń Basshysy Q.Toqaev júzdesýshilerdi Astana forýmyna ázirlik týraly habardar etti: «Sezd dinı kóshbasshylar men saıası qaıratkerlerdiń beıbitshilik jáne damý jolyndaǵy únqatysýyna arnalady. Taraptardyń bir-birin estýge jáne tyńdaýǵa úırengeni mańyzdy bolyp otyr». Forým aıasynda jalpy otyrys jáne seksııalyq tórt otyrys ótedi. Dinı forýmdaǵy pikirsaıystar: dinı jáne saıası qaıratkerlerdiń adamzat aldyndaǵy jaýapkershiligi; dinniń jastarǵa yqpaly; din men saıasattyń ózara is-qımylyndaǵy jańa úrdister men perspektıvalar; beıbitshilik, qaýipsizdik jáne úılesimdilik jolynda álemdik jáne dástúrli dinder kóshbasshylarynyń arasyndaǵy ózara qurmet pen túsinistik negizinde únqatysýy sekildi mańyzdy taqyryptar bolady. Q.Toqaevtyń Nıý-Iorkke jumys sapary Álemdik jáne dástúrli dinder kóshbasshylary sezine ázirliktiń mańyzdy bóligi boldy. Bul forým – osynaý dúrbeleńge toly dúnıedegi qaýipsizdik pen turaqtylyqty qamtamasyz etýge baǵyttalǵan aýqymdy halyqaralyq kúsh-jigerdiń mańyzdy salasy.