Jasampazdyq jolyndaǵy jańa beles bolady
Elbasymyzdyń kezekten tys prezıdenttik saılaý taǵaıyndaý týraly Jarlyǵyna ún qosqan otandastarymyzdyń ortaq oıy osyndaı
*Prezıdent pochtasynan
– deıdi Elbasynyń saılaýǵa túsýin qalaıtynyn aıtyp hat jazǵan qazaqstandyqtar
Prezıdent saılaýyn ótkizý týraly sheshimge qoldaý bildirgen jáne Nursultan Nazarbaevtyń kandıdatýrasy usynylýyn ótingen hattar men jedelhattar legi jalǵasýda, dep habarlady Prezıdenttiń baspasóz qyzmeti.
Memleket basshysynyń atyna eńbek ujymdarynan, belgili sportshylardan, densaýlyq saqtaý salasy qyzmetkerlerinen, sondaı-aq, eldiń túrli óńirlerindegi turǵyndardan Nursultan Nazarbaevtyń aldaǵy prezıdenttik saılaýǵa qatysýyn ótingen hattar legi áli jalǵasýda.
«QazAtomónerkásip» UAK» AQ myńdaǵan adamdyq ujymy Memleket basshysy tańdaǵan baǵytty qoldaıtynyn málimdeı otyryp, Qazaqstannyń álemdegi damyǵan 30 eldiń qataryna enýi jónindegi strategııalyq maqsatqa jetý úshin bar kúshterin jumyldyratynyna sendirgen.
«Biz baq-berekemizdi jáne bolashaǵymyzdy Sizdiń esimińizben ǵana baılanystyramyz. Sondyqtan Sizdiń kandıdatýrańyzdyń Qazaqstan Respýblıkasy Prezıdenti laýazymyna usynylǵanyn qalaımyz», – delingen hatta.
Almaty qalasynan «Belkamıt» mashına jasaý zaýytynyń jumysshylary elimizdiń barsha turǵyndarymen birge Memleket basshysynyń turaqty ekonomıkalyq damýdy qamtamasyz etken dana saıasatyna kýá bolyp otyrǵanyn aıtady.
«Biz prezıdenttik saılaý ótkizý máselesin tolyq qoldaımyz. Kóregen ári ádil saıasatker retinde Siz ǵana eldi budan ári de durys baǵytta alyp júre alasyz», – dep jazady avtorlar.
«Qazaqtelekom» AQ Atyraý oblystyq telekommýnıkasııalar dıreksııasynyń myń jarym adamdyq ujymy da Nursultan Nazarbaevtyń prezıdenttik saılaýǵa túskenin qalaıtynyn jetkizgen.
«Elimizdiń barlyq jetistikteri, Qazaqstannyń álemdik qoǵamdastyqqa tanylýy, memlekettegi osynaý kúrdeli kezeńdegi turaqtylyq Sizdiń atyńyzben baılanysty. Biz memlekettiń basynda Siz sekildi bedeldi kóshbasshy turýy tıis dep sanaımyz. Biz Sizge senemiz!», – delingen hatta.
Qostanaı oblysynan «Svetlyı Jarkol» JShS jumysshylary Qazaqstan Prezıdentiniń basshylyǵymen elimiz kelisim men gúldený jolynda kele jatqanyn aıtady.
«Barlyq qazaqstandyqtar sııaqty biz de Sizdiń kandıdatýrańyzdyń prezıdenttik saılaýda usynylǵanyn qalaımyz. Josparlanǵan maqsattyń bári Sizben birge bolǵanda ǵana júzege asatynyna senimdimiz», – dep jazady avtorlar.
Qyzylorda qalasynan «Jan-AraıJem» JShS ujymynyń músheleri elde prezıdenttik saılaý ótkizý týraly sheshimdi qoldaıdy.
«Álemdik ekonomıkadaǵy túıtkilderdi eńserý úshin elde «Nurly Jol» jáne ındýstrııalyq-ınnovasııalyq damýdyń ekinshi besjyldyǵy sekildi baǵdarlamalar júzege asyrylýda. Olardy tabysty júzege asyrý úshin Sizdiń tikeleı qatysqanyńyz qajet», – delingen hatta.
Qostanaı oblysynan K.Marks atyndaǵy JShS jumysshylary Eýrazııalyq ekonomıkalyq odaqtyń jumysyn bastaýyna baılanysty aýyl sharýashylyǵy ónimin óndirýshiler kedergilerdiń azaıyp, múmkindikterdiń ulǵaıǵanyn sezinip otyrǵanyn aıtady.
«Otanymyzdyń uly bolashaǵy týraly armandaı otyryp, kúrdeli kezeńde Siz ýaqyt júktegen jaýapkershilikti moıynǵa aldyńyz jáne halyqty jetistikter men tabystar jolyna bastadyńyz. Bul bizge Sizdiń kandıdatýrańyzdyń Qazaqstan Respýblıkasy Prezıdentiniń saılaýyna usynylýyn ótinýge quqyq beredi, – dep jazady avtorlar.
Prezıdenttik saılaý ótkizý sheshimin qoldap, saılaýǵa Nursultan Nazarbaevtyń qatysýyn ótingen hattar eldiń belgili sportshylarynan da keldi. Máselen, Qazaqstan Aýyr atletıka federasııasynyń músheleri, Olımpıada chempıondary I.Ilın, Z.Chınshanlo, M.Maneza, S.Podobedova qazaqstandyq sporttyń halyqaralyq arenadaǵy jeńisteri eldegi ekonomıkalyq turaqtylyqtyń jáne etnosaralyq kelisimniń jemisi ekenin atap ótken.
«Álemdegi ahýal bizdiń respýblıkamyzǵa qýatty ári bedeldi kóshbasshyny qajet etetin jaǵdaı týǵyzyp otyr. Sizden aldaǵy Qazaqstan Respýblıkasy Prezıdentiniń saılaýyna qatysýdy suraımyz. Siz el men halyqty barlyq synaqtardan alyp ótetinińizge, Qazaqstan Sizdiń basshylyǵyńyzben ornyqty damýyn jalǵastyratynyna senimdimiz», – delingen hatta.
Qyzylorda oblysynyń «Ana men bala» ortalyǵynyń ujymy da densaýlyq saqtaý salasyn damytýǵa kóńil bólinip otyrǵany úshin alǵys aıtyp, sonyń arqasynda óńir turǵyndary bilikti medısınalyq kómek alatynyna toqtalǵan. Avtorlar eldi damytýǵa baǵyttalǵan mindetterdi odan ári júzege asyrý úshin Nursultan Nazarbaevtyń prezıdenttik saılaýǵa qatysýy mańyzdy ekenin atap ótken.
Eldiń jekelegen azamattarynan da kóptegen hattar kelip túsýde. Máselen, Oral qalasynan «Zerde-Pamıat» korporatıvtik qorynyń tóraǵasy Q.Tólebaev kúrdeli geosaıası jáne ekonomıkalyq jaǵdaıda memleketimizdi basqarý Nursultan Nazarbaev sııaqty kóregen ári dana saıasatkerdiń ǵana qolynan keletinin aıtqan.
«Sizdiń prezıdenttik saılaýǵa túsýińizdi suraımyn, óıtkeni, halyq Sizdi tolyq qoldaıdy», – dep jazady avtor.
Ońtústik Qazaqstan oblysy Yntymaq aýylynan hat jazǵan tyl jáne eńbek ardageri О́.Aqnazarov prezıdenttik saılaý ótkizý týraly sheshimge qoldaý bildirip, Nursultan Nazarbaevtyń kandıdatýrasynyń usynylýyn suraıdy jáne oǵan daýys beretinin aıtady.
Shyǵys Qazaqstan oblysy Qalbataý aýylynan ardager M.Muqashev respýblıkamyz Elbasynyń basshylyǵymen zor tabystarǵa jetip, álemde tanymal bolǵanyna toqtalǵan. Osyǵan oraı avtor Nursultan Nazarbaevtyń aldaǵy saılaýǵa túsýin ótingen.
Qaraǵandy qalasynyń turǵyny, zeınetker R.Býdnık Memleket basshysyna barlyq qazaqstandyqtardyń ál-aýqatyn arttyrýǵa baǵyttalǵan jemisti qyzmeti úshin alǵys aıtyp, Elbasy prezıdenttik saılaýǵa qatyssa eken degen tilegin joldaǵan.
Qostanaı oblysy Matrosov aýylynan hat jazǵan D.Ahmetjanov ta Memleket basshysy aldaǵy prezıdenttik saılaýǵa tússe degen tilegin aıtyp, onyń jeńiske jetetinine senim bildirgen.
Almaty qalasynyń turǵyny R.Smakova da Nursultan Nazarbaevtyń prezıdenttik saılaýǵa qatysqanyn qalaıtynyn, onyń kandıdatýrasyna daýys berý arqyly elimiz álemdik daǵdarystan qorǵalýyn qamtamasyz etetinin atap ótken.
Qazaqstan Respýblıkasy Prezıdentiniń kezekten tys saılaýyn taǵaıyndaýǵa baılanysty kelip jatqan hattar legi jalǵasýda.
