Dýbaıdan 10 medal oljalady

Jaqynda Birikken Arab Ámirlikterinde «Fazaa» atty dástúrli paralımpıadashylar jarysy ótti. Oǵan 45-ten astam eldiń jeńil atletshileri qatysty. Osy synda Qazaqstan sportshylary 4 kúmis, 6 qola medal ıelendi. Tórt kúndik dodada qansha baryn salǵanymen, qazaqstandyq para­­­lımpıadashylarǵa bas júlde buıyr­mady. Jarysqa qosqan 21 jeńil atletshilerimizdiń bul joly ba­by kelispedi degen joramal basym. Áıteýir, sportshylar júldeden qura­laqan emes. Qorjyn búıiri qo­­­maq­ty. Qazaqstandyqtar kúmisi men qo­lasy aralas 10 medal oljalady. Mamandardyń pikirinshe, osylaı bolary aldyn ala top­shylanǵan. О́ıtkeni, bul jyl basyndaǵy alǵash­qy iri jarys­tardyń biri. Jeńil atlet­shilerimiz oqý-jattyǵý jıynyn da júıeli bastap bolǵan joq. «Baǵymyzdy bara kórermiz» degen táýekelmen atústi jınalyp, Dýbaıǵa attanyp kete barǵan. Al mundaı halyqaralyq básekeniń altyn tuǵyryna taban tireý úshin aldyn ala josparlanǵan oqý-jattyǵý jıyndary ótýge tıis edi. Bul saparda sol qaǵıda belden basylǵan syńaıly. Bas júldeniń bizge buıyrmaýynyń basty sebebi osy kórinedi. Shúkirlik eterimiz, paralım­pıa­dashylarymyz baby kelispegen kezdiń ózinde osynsha júldeni ýys­tap aldy. Bul jarysta Maǵjan Nurlybaev eki kúmis, bir qola júldeni, Islam Salımov kúmis pen qola medaldi, Sergeı Harlamov ekinshi oryndy ıelense, Amanat Qalqaev, Alekseı Lýkýtın, Aınur Taıjanova, Rýfat Habıbýllın qola medaldi jeńip aldy. Osydan keıin sportshylarymyz Shardjaǵa bet aldy. Bizdiń paralımpıadashylar «Dýbaıda ketken esemizdi Shardjada qaıtaramyz», dep qulshynýly. MAǴJAN ShARDJANY MOIYNDATTY Sportshylarymyz Shardjaǵa shıryǵyp barǵan eken. Birikken Arab Ámirlikterindegi áıgili qalada besinshi ret uıymdastyrylǵan dodaǵa 33 memlekettiń jeńil atlet­­shileri qatysqan. Dýbaıda jibergen eseni qaıtarmaqqa qulshynǵan bolar, qazaqstandyqtar eki kúnde 17 medaldi ýystap aldy. Ásirese, uzyndyqqa sekirý men qysqa qashyqtyqqa júgirýde Qazaqstannyń kók týyn qaıta-qaıta aspandatqan Maǵjan Nur­lybaev namysty jigit eken. Qazaqstan qorjynyna 3 altyndy da Maǵjannyń bir ózi saldy. «Fazaa» básekesinde de jaqsy nátıjeler kórsetken Maǵ­jan Shardjada, tipti, shıraq boldy. Kórý qabileti tómender ara­syn­daǵy úsh túrli synda bas júl­deni julyp shyqty. Sondaı-aq, Amanat Qalqaev, Aınur Taıjanova, Alek­seı Lýkýtın, Bıslan Ge­bertaev, Islam Salımov syndy sportshylar namysty qoldan bermeý­ge baryn salǵan eken. Shardja básekesinde bizdiń eldiń 7 sportshysy álem chempıonatynyń normatıvin oryndapty. Jalpy, osy jarysta jeńil atletshilerimiz 3 altyn, 5 kúmis, 9 qola medaldi jeńip aldy. Dastan KENJALIN, «Egemen Qazaqstan».