JAŃA ÁÝE JOLY AShYLDY

“Qaraǵandy – Qyzylorda – Qaraǵandy” áýe qatynasy boıyn­sha fransııalyq “Asia Wings” (“Azııa Vızang”) avıakompanııa­sy­nyń ATR-42-300 ushaqtary qa­ty­naı bastady. Atalmysh kom­pa­nııa QR Kólik jáne kommýnı­ka­sııa mı­nıstrligi Azamattyq avıa­sııa ko­mıtetiniń áýe qaty­na­sy boıynsha ótkizilgen konkýrs qo­rytyn­dy­syn­da osy jáne basqa da birqatar ba­ǵyttarda jeńimpaz dep tanylǵan. “Qorqyt ata” áýejaıy” AQ dı­rektory Qaıdar Nurlybaevtyń aı­týynsha, Kólik jáne kommýnı­ka­sııa mınıstrliginiń nusqaýyna sáı­kes Qa­zaqstan avıasııasy ústi­miz­degi jyl­dyń sońyna deıin keńestik áýe kemelerinen arylyp, sheteldik ushaq­­­tar qyzmetin paıdalana bastady. Týrbovıntti ATR-42-300 áýe ke­mesi Eýroodaqtyń birikken avıasııa ákimshiliginiń (EASA) búgingi qoıyp otyrǵan talaptaryna tolyǵymen jaýap beredi. Onyń ushar kezdegi eń joǵary salmaǵy 16,9 tonna bolsa, jyl­damdyǵy saǵatyna 470 shaqy­rym­ǵa teń. Bortyna 46-48 jolaýshy syıǵyzatyn ushaq 7200 metr bıik­tik­ke samǵaıdy. Bul málimetter tý­ra­ly aıtqan “Asia Wings”  avıakom­pa­nııa­sy­nyń ókili Vladımır Nosochev ushaqtar bolgarlyq “He­mus Air” avıa­kompanııasynan jalǵa alyn­ǵanyn jetkizdi. Olar jo­laý­shy­lar úshin óte yńǵaıly jáne ke­ńestik kezeńdegi tehnıkalarmen sa­lys­tyr­ǵanda eki esedeı únemdi. Ázir­ge reısterdi bolgarlyq ekı­paj­dar bas­qarýda. Áıtse de aldaǵy ýa­qyt­ta qazaqstandyq mamandar da daı­yndalatyn bolady. Qara­ǵan­dy­ǵa deıingi bılet quny 12 myń teńge. Kenshiler qalasy araly­ǵyn­da áýe baılanysy seısenbi jáne jek­sen­bi kúnderi júzege asyrylady. Erkin ÁBIL, QYZYLORDA.