Kapıtal: Derek pen dáıek

Bul ótken jyldyń tıisti kezeńimen salystyrǵanda 6,8 paı­yzǵa kóp. Al, negizgi kapı­tal­ǵa salynǵan ınvestısııanyń basym bó­ligi ónerkásip sala­syn­da ıgeri­lip otyr. Bul ınves­tısııanyń jalpy kóleminiń 73 paıyzy. Bıýdjettik qarjylar esebi­nen 18 mlrd. teńge ıgerildi, bul 2009 jylǵy qańtar-maýsymǵa qaraǵanda 1,5 ese artyq. Osyn­sha­ma qarjy negizinen ınje­ner­lik ınfraqury­lymnyń damýy­na, áleýmettik obektiler qury­lysyna jáne kom­mý­naldyq jal­daý men nesıe­lik turǵyn úılerge jumsalǵan. 10,3 mlrd. teńge kóleminde shet­el ınvestısııalary ıgerildi ne­mese ol byltyrǵy osy kezeń­men sa­lystyrǵanda 14,6 paıyzǵa artyq.

Satybaldy SÁÝIRBAI,  Aqtóbe oblysy.

94 001 000 000 Batys Qazaqstan oblysynda bıylǵy jarty jyldyqta ınvestısııa kólemi osynshama teńgege jetti. Osy derekti taratqan óńir­degi statıstıka departamentiniń taldaýlaryna súıensek, ınves­tı­sııanyń negizgi bóligi óner­ká­sip­ke baǵyttalǵanyn kóremiz. Osylaı bolýynyń ózi de zań­dylyqtaı kórinedi. О́ıtkeni, qaı kezde de ónerkásip ekonomı­ka­nyń qozǵaý­shy kúshi, basty lo­ko­motıvi bolyp qala bermek. Ekinshiden, ol – ın­vestısııa kuıý­ǵa óte yńǵaıly sala. Bul fak­tor da onyń mólsheriniń basym bolýyna alǵyshart qala­ǵan dep esepteýge bolady. Budan keıingi retterde ın­ves­tısııa kólik pen qoımaǵa or­na­lastyrý, densaýlyq saqtaý, jyl­jymaıtyn múlik, bilim berý men saýda jáne aýyl sharýashy­ly­ǵy sa­lalaryna tartylǵan. Bu­ǵan deıingi tájirıbe barysy kór­set­kendeı, ınvestısııalyq túsimder men qarajattardan res­pýblıka aýdandary men aýyl­da­ry tıisti úles ala almaı kelgeni de ras.

Temir QUSAIYN, Batys Qazaqstan oblysy.

400 000 000 Prokýratýra qyzmetkerleri osynsha mólsherdegi eńbekaqyny qaryz ıelerine qaıtardy. Oblystyq prokýratýra jyl basynan beri 13 myńǵa jýyq adamnyń eńbek quqyǵyn qorǵap, ýaqtyly tólenbegen 400 mıl­lıon teńge jalaqyny ıelerine qaıtardy. 7 aýdan eńbekaqy jó­nin­degi bereshekterin tolyq óte­di. Taıynsha aýdanyndaǵy “Bıo­hım” AQ kópten beri jumys­shy­lar­dyń mańdaıter aqysyn óteý­di kesheýildetip kelse, 15 mıl­lıon teńge jalaqyny tolyq tólep, esep aıyrysty. Onyń qa­ta­rynda “Transportnık”, “Pe­tro­pavlelektrmontaj”, “Pe­tro­pavl trolleıbýs parki” sekildi mekemeler bar. О́z mindetterine atústi qaraǵan 44 basshy ákim­shi­lik jaýapkershilikke tartyldy. Degenmen, keı kásiporyndar tarapynan eńbek zańyn burma­laý­shylyq tyıylar emes. “Odej­da Elastık” JShS 7 mıl­lıon, Petropavl kıim fab­rı­kasy 3 mıl­lıon teńge jalaqyny áli óte­megen. Qoldanylǵan sha­ralarǵa qaramastan, bereshek qaryz 40 mıllıon teńge bolyp otyr.

О́mir ESQALI, Soltústik Qazaqstan oblysy.