Qazaqstan jastar quramasy Anglııadan iri eseppen jeńildi

ASTANA. 14 qazan. Búgin, 13 qazannan 14-ine qaraǵan túni fýtboldan 2017 jylǵy jastar arasyndaǵy (U-21) Eýropa chempıonatyna irikteý týrnıri sheńberinde Qazaqstan jastar quramasy syrt alańda Anglııamen oınady. Nátıjesinde aǵylshyndar 3:0 esebimen jeńiske jetti. Bul týraly egemen.kz habarlady. Kezdesý Anglııanyń Koventrı qalasynda ótti. Alań ıeleri alǵashqy mınýttardan bastap shabýylǵa shyqty. Alaıda, bizdiń komanda saýatty qorǵanyp, úziliske deıin óz qaqpasyna gol jibermedi. Al ekinshi taımda oıynshylarymyz bastapqydaı belsendilik tanyta almady. Saldarynan 53-mınýtta Rýben Loftýs-Chık aıyp soqqysyn óte keremet oryndap, esep ashty. Sondaı-aq, 70-mınýtta Netan Redmond esepti eselese, qosymsha ýaqytta mergendigimen kózge túsken Chýba Ekpom oıynnyń núktesin qoıdy. Osylaısha jas fýtbolshylarymyz atalǵan irikteý synyndaǵy tórt oıynnyń úsheýinde jeńilip otyr. Búginde úsh upaımen Qazaqstan óz tobynda 4-orynda keledi. Al alty upaıy bar Anglııa úshinshi satyda. Kósh basynda úsh oıynnan 7 upaı jıǵan Shveısarııa tursa, ekinshi orynǵa Norvegııa jaıǵasqan. Norvegterdiń qorjynynda da 7 upaı bar. Alaıda, olar bir oıyn artyq ótkizýine baılanysty Shveısarııadan keıin ornalasqan. Týrnır kestesiniń sońynda barlyq úsh oıynda jeńilis tapqan Bosnııa jáne Gersegovına keledi. Elaman Qońyr. Derek: egemen.kz. Sýret: vk.com.