27 maýsym kúni aptap ystyq + 35-ti kórsetken taltúste M.Jumabaev pen K.Sútishev kósheleriniń qıylysynda eshkim kútpegen oqys oqıǵa oryn alyp, osy mańaı turǵyndaryn biraz álekke saldy.
«Pıssa Haýs» dámhanasy, shashtaraz, balalar ortalyǵy jáne birneshe saýda núkteleri qonystanǵan «Nurpark» oıyn-saýyq kesheni kózdi ashyp-jumǵansha alapat órt qushaǵyna orandy. 4 saǵattan asa ýaqytqa sozylǵan qyzyl jalyndy aýyzdyqtaýǵa tótenshe jaǵdaılar departamentiniń qutqarýshylary jedel jetip, 70-ten astam órt sóndirýshi men 22 tehnıka jumyldyryldy. Alaıda, kóterilgen jeldiń saldarynan tilsiz jaý kórshi ornalasqan 5 qabatty turǵyn úıge aýyz salyp, shatyrdy jalmap tústi. Abyroı bolǵanda, ǵımarattyń qabyrǵalary iri panelden turǵyzylǵandyqtan, aman qaldy.
Ishki ister departamenti qyzmetkerleriniń belsene atsalysýymen 100-ge jýyq turǵyn qaýipsiz jerlerge shyǵaryldy. Olardyń arasynda jas balalar men múmkindigi shekteýli jandar da boldy. Páterler gaz, elektr qýatynan ajyratyldy.
Aıtyp kelmes apat kýágerleriniń aıtýynsha, 3 qabatty keshen tamtyǵy qalmaı janyp ketken. Shamasy órt ushqyny syrty tez janǵysh materıaldarmen qaptalǵan aǵash ǵımarattyń tóbesinen tutanǵan syńaıly. Turǵyn úıdiń shatyry túgeldeı órtenip, dálizder, jeldetkishter, spýtnıktik baılanys qondyrǵylary qatty zaqymdanǵan. Tereze shynylarynyń kúl-talqany shyǵyp, úńireıip tur. Bul úıge osydan eki jyl buryn turǵyn úı-kommýnaldyq sharýashylyǵyn jańǵyrtý baǵdarlamasy boıynsha kúrdeli jóndeý júrgizilipti. Endi qaıtpek kerek? Aı saıyn júıeli tólenip kelgen nesıeniń jelge ushqany ma? Turǵyndardyń qatty qınalǵan tusy osy boldy.
Araǵa kún salyp, oqıǵa bolǵan jerge aımaq basshysy Erik Sultanov kelip, turǵyndarmen kezdesti. Jaǵdaımen jete tanysqanyn, turǵyn úıdiń shatyry men dálizderin jóndeý jumystaryna jergilikti qazynadan 25 mıllıon teńge bólýge tapsyrma bergenin jetkizdi. Tilsiz jaýdan qatty japa shekken 13 páter ıelerine 139 myń teńge mólsherinde kómek qarastyrylatyn boldy.
– Jeke menshik ıelerine tıesili ǵımarattaǵy órttiń sebepteri zerttelýde. Onyń naqty qorytyndysy saraptamalardan keıin belgili bolady,– dedi BAQ ókilderine bergen suhbatynda tótenshe jaǵdaılar jónindegi departament baspasóz qyzmetiniń jetekshisi Evgenıı Jýravlev.
О́mir ESQALI
«Egemen Qazaqstan».
Soltústik Qazaqstan oblysy.
27 maýsym kúni aptap ystyq + 35-ti kórsetken taltúste M.Jumabaev pen K.Sútishev kósheleriniń qıylysynda eshkim kútpegen oqys oqıǵa oryn alyp, osy mańaı turǵyndaryn biraz álekke saldy.
«Pıssa Haýs» dámhanasy, shashtaraz, balalar ortalyǵy jáne birneshe saýda núkteleri qonystanǵan «Nurpark» oıyn-saýyq kesheni kózdi ashyp-jumǵansha alapat órt qushaǵyna orandy. 4 saǵattan asa ýaqytqa sozylǵan qyzyl jalyndy aýyzdyqtaýǵa tótenshe jaǵdaılar departamentiniń qutqarýshylary jedel jetip, 70-ten astam órt sóndirýshi men 22 tehnıka jumyldyryldy. Alaıda, kóterilgen jeldiń saldarynan tilsiz jaý kórshi ornalasqan 5 qabatty turǵyn úıge aýyz salyp, shatyrdy jalmap tústi. Abyroı bolǵanda, ǵımarattyń qabyrǵalary iri panelden turǵyzylǵandyqtan, aman qaldy.
Ishki ister departamenti qyzmetkerleriniń belsene atsalysýymen 100-ge jýyq turǵyn qaýipsiz jerlerge shyǵaryldy. Olardyń arasynda jas balalar men múmkindigi shekteýli jandar da boldy. Páterler gaz, elektr qýatynan ajyratyldy.
Aıtyp kelmes apat kýágerleriniń aıtýynsha, 3 qabatty keshen tamtyǵy qalmaı janyp ketken. Shamasy órt ushqyny syrty tez janǵysh materıaldarmen qaptalǵan aǵash ǵımarattyń tóbesinen tutanǵan syńaıly. Turǵyn úıdiń shatyry túgeldeı órtenip, dálizder, jeldetkishter, spýtnıktik baılanys qondyrǵylary qatty zaqymdanǵan. Tereze shynylarynyń kúl-talqany shyǵyp, úńireıip tur. Bul úıge osydan eki jyl buryn turǵyn úı-kommýnaldyq sharýashylyǵyn jańǵyrtý baǵdarlamasy boıynsha kúrdeli jóndeý júrgizilipti. Endi qaıtpek kerek? Aı saıyn júıeli tólenip kelgen nesıeniń jelge ushqany ma? Turǵyndardyń qatty qınalǵan tusy osy boldy.
Araǵa kún salyp, oqıǵa bolǵan jerge aımaq basshysy Erik Sultanov kelip, turǵyndarmen kezdesti. Jaǵdaımen jete tanysqanyn, turǵyn úıdiń shatyry men dálizderin jóndeý jumystaryna jergilikti qazynadan 25 mıllıon teńge bólýge tapsyrma bergenin jetkizdi. Tilsiz jaýdan qatty japa shekken 13 páter ıelerine 139 myń teńge mólsherinde kómek qarastyrylatyn boldy.
– Jeke menshik ıelerine tıesili ǵımarattaǵy órttiń sebepteri zerttelýde. Onyń naqty qorytyndysy saraptamalardan keıin belgili bolady,– dedi BAQ ókilderine bergen suhbatynda tótenshe jaǵdaılar jónindegi departament baspasóz qyzmetiniń jetekshisi Evgenıı Jýravlev.
О́mir ESQALI
«Egemen Qazaqstan».
Soltústik Qazaqstan oblysy.
Sońǵy jańalyqtar
Qoǵam • Keshe
Moıynqum aýdanynda órt sóndirý bólimi ashyldy
Aımaqtar • Keshe
Bıyl elimizde jarty mıllıonnan astam adamdy jumyspen qamtý josparlanǵan
Qazaqstan • Keshe
Aleksandr Býblık Dýbaıda ótip jatqan týrnırdi sátti bastady
Tennıs • Keshe
Eınshteın ózin «alaıaq» sezingen be?
Qoǵam • Keshe
